ကျေးဇူးတင်ပါတယ် လေးလေးထွန်းလွင်

ဒီကနေ့ပဲ လေးလေးထွန်းလွင်ရဲ့ ဆောင်းပါးကို ဖတ်ရပါတယ်။
လေးလေးထွန်းလွင်ဆိုတာ မိုး/ဇလနဲ့ ပတ်သက်ပြီး ဒေါက်တာဘွဲ့ရခဲ့ပြီး ဖြစ်တဲ့ ဦးထွန်းလွင်ကို ကျနော်တို့ အညာအခေါ်နဲ့ ခေါ်လိုက်တာပါ။

လေးလေးထွန်းလွင်ကို ပင်စင်ယူပြီးချိန်မှာ အနားယူသွားခဲ့လိမ့်မယ်လို့ ထင်ထားခဲ့တာပါ။ သူ လုံးဝ အနားမယူရှာပဲ ကိုယ်ပိုင် ၀ဘ်ဆိုက်တခုကို ဖွင့်ပြီး လောကအကျိုး တတ်နိုင်သမျှ သယ်ပိုးနေသေးတယ်ဆိုတာ သိလိုက်ရတော့ အံ့သြ ၀မ်းသာမိရပါတယ်။

သူ့အရေးအသား ၊ ခန့်မှန်းချက်တွေဟာ ၀န်ထမ်းဘ၀မှာ ရှိစဉ်ကထက် ပိုမိုသွက်လက် နေတာကိုလည်း သတိပြုမိပါတယ်။ စာတလုံး ၊ တပိုဒ်ဟာ ခံစားတတ်သူတွေအတွက် သိမိ၊ ထိရှ စေတာကိုး။ ထားလိုက်ပါတော့ လေးလေးထွန်းလွင်ရဲ့ ဆောင်းပါးကိုပဲ ပြန်ကောက်ကြပါစို့။

ဆောင်းပါးကို ဖတ်လိုက်ရတော့ နာဂစ်ကစတဲ့ ရင်ထဲကရောဂါဆိုတဲ့ ခေါင်းစဉ်ကတည်းက စတင် စိတ်ဝင်စားမိသွားပါပြီ။

စကတည်းက ယဉ်ခဲ့တဲ့ tunlwin.com ဆိုတဲ့ ခေါင်းစီးခွဲပါ "အဓိပ္ပါယ်ရှိသောစကား၊ အကျိုးရှိသောစကား၊ မှန်ကန်သောစကား" များကိုသာ ပြောနိုင်သောကိုယ် ဖြစ်ရပါလို၏လို့။ ဆုတောင်းထားပုံလေးကလည်း သင်းလှပါတယ်လို့ ပြောရင်း လေးလေးထွန်းလွင်ရဲ့ ဆောင်းပါးကို မူရင်းအတိုင်း ပြန်လည် ဖော်ပြပေးလိုက်ရပါတယ်။

ကျွန်တော်နဲ့ tunlwin.com

မောင်ထွန်းလွင်(မိုးလေ၀သ)

နာဂစ်ကစခဲ့တဲ့ ရင်ထဲကရောဂါ

ရာသီဥတုပြောင်းလဲခြင်းနဲ့ ပတ်သက်တဲ့… မိုးလေ၀သအခြေအနေခန့်မှန်းခြင်းနဲ့ ပတ်သက်တဲ့… ကိုယ်ပိုင် Website တစ်ခုတော့ လုပ်ဖို့လိုနေပြီလို့ ဌာနကအငြိမ်းစားယူပြီး စကတည်းက သတိထားခဲ့မိပါတယ်။ အကြောင်းကတော့ ၂၀၀၈ မေလကကျရောက်ခဲ့တဲ့ ဆိုင်ကလုန်းနာဂစ်ကြောင့် ကျွန်တော်တို့ နိုင်ငံသူ နိုင်ငံသားတွေဟာ awareness တွေ ဘယ်တုံးကမှနဲ့ကို မတူအောင် တိုးမြင့် လာခဲ့ပါတယ်။ ခက်တာက "သိလိုသူကများ၊ ဖြေလိုသူကရှား" ဖြစ်နေတဲ့ ကျွန်တော်တို့ရဲ့ အခြေအနေတွေကြောင့် ပြည်သူများရဲ့ တက်ကြွမှုတွေ၊ နိုးကြားမှုတွေဟာ အရာမထင်သလိုဖြစ်နေခဲ့ရပါတယ်။ နာဂစ်နဲ့ကိုယ်တိုင် တွေ့ခဲ့ကြသူတွေအနေနဲ့ မိသားစုတစ်ခုလုံး ဆုံးရှုံးရသူတွေ၊ အဖေတစ်ကွဲ အမေတစ်ကွဲဖြစ်ရသူတွေ၊ သားသမီးဆုံးရှုံး ရသူတွေအနေနဲ့ ဆိုးဝါးခါးသီးလှတဲ့ အတွေ့အကြုံတွေကြောင့် ခမျာများ ကျီးလန့်စာစား ဖြစ်ရှာကြပေလိမ့်မယ်လို့ ကျွန်တော်အမြဲတွေးပြီး စိတ်မကောင်းကြီးစွာဖြစ်ရပါတယ်။ အထူးသဖြင့် နာဂစ်နဲ့ ပတ်သက်တဲ့ ကြိုတင်သတိပေးချက်တွေ ထုတ်ပြန်ရာမှာ အဓိကတာဝန်ရှိတဲ့သူတစ်ဦး ဖြစ်ခဲ့ရတာအနေနဲ့လည်း ပြည်သူတွေအပေါ်မှာ အလုပ်အကျွေးပြုချင်တဲ့ စိတ်တွေလည်း တဖွားဖွားပေါ်နေမိပါတယ်။ တကယ်တော့ "ဒါ ...ငါ့မိဘဆွေမျိုး သားချင်းတွေဘဲ။ ဒို့ပြည်သူပြည်သားတွေ ရာသီဥတုနဲ့ ပတ်သက်လို့ သိလိုတာတွေ၊ အကာအကွယ်ပြုလိုတာတွေ၊ ဗဟုသုတပွားလိုတာတွေ တစ်ထောင့်တစ်နေရာက တစ်တပ်တစ်အား ငါလုပ်ရပေလိမ့်မယ်" လို့ ဆင်ခြင်မိပါတယ်။

ကြည့်တတ်တော့ ဘာဝနာ

ဒါကြောင့်လည်း အငြိမ်းစားယူခဲ့တဲ့ (၂၉-၅-၂၀၀၉)ကစပြီး၊ စာရေးတာတွေ၊ စာသင်တာတွေ၊ ဟောပြော တာတွေ၊ သုတေသနပြုတာတွေကို ဘ၀လှိုင်းတံပိုးတွေကိုကြံ့ကြံ့ခံရင်း မမောနိုင်မပန်းနိုင် လုပ်နေခဲ့မိပါတယ်။ အငြိမ်းစားယူဖြစ်ခဲ့တာကိုဘဲ။ ကျေးဇူးတင်နေမိပါတယ်။ အထူးသဖြင့် ပြည်သူတွေရဲ့လက်ရှိ့ သဘာဝဘေးကာကွယ် စောင့်ရှောက်ရေး နိုးကြားမှုတွေကို အခွင့်အရေးကောင်းတစ်ရပ်အနေနဲ့ အမိအရဖမ်းယူပြီး အသိတွေ၊ သတိတွေ ပွားစေဖို့ လုပ်လိုတဲ့ဆန္ဒဟာ ကျွန်တော့်မှာ တားမနိုင်ဆီးမရ ဖြစ်နေမိပါတယ်။

ဒါကြောင့်လည်း အငြိမ်းစားယူအပြီး ဒီတစ်နှစ်တာကျော်ကျော် ကာလအတွင်း အကျေနပ်ဆုံးလုပ်ငန်းလေးတွေ အချို့ကို အကောင်အထည် ဖေါ်နိုင်ခဲ့ပါတယ်။ စာမျက်နှာ (၁၆၀)ကျော်ရှိတဲ့ "မြန်မာနိုင်ငံရဲ့ရာသီဥတုပြောင်းလဲခြင်း ဆောင်ရွက်မှု ဆန်းစစ်ချက် အစီရင်ခံစာ"(Myanmar Climate Change Performance Assessment Report-MCCPAR)ကို ပြုစုဖြစ်ခဲ့ပါတယ်။ ရာသီဥတု၊ မိုးလေ၀သ၊ သဘာဝဘေး အန္တရာယ်စတာတွေနဲ့ ပတ်သက်တဲ့ဆောင်းပါး (၉၀)ကျော်ကို အငြိမ်းစားယူပြီးတစ်နှစ်အတွင်း ရေးဖြစ်ခဲ့တယ်။ နယ်အနှံ့ ရာသီဥတုပြောင်းလဲခြင်း ဟောပြောပွဲတွေ ဟောပြောဖြစ်ခဲ့ပါတယ်။ သင်တန်းတွေပို့ချဖြစ်ခဲ့တယ်။ ပြည်ပမှာလည်း မြန်မာနိုင်ငံရာသီဥတုပြောင်းလဲခြင်း၊ နာဂစ်အတွေ့အကြုံတွေ ဟောပြောဖြစ်ခဲ့တယ်။ အဲဒီအထဲကမှ အကျေနပ်ဆုံးကတော့ စေတနာရှင်များရဲ့အလှူငွေနဲ့ "မုန်တိုင်းအကြောင်း သိကောင်းစရာ" စာအုပ်ငယ်တစ်သိန်းကျော်ကို ပြည်သူများဆီကို အခမဲ့လှူဒါန်းနိုင်ခဲ့ခြင်းဘဲ ဖြစ်ပါတယ်။

ကျွန်တော်နဲ့ tunlwin.com

အခုတော့ ရာသီဥတုနဲ့ မိုးလေ၀သခန့်မှန်းခြင်းဆိုင်ရာ Websiteတစ်ခုကို လွှင်တင်နိုင်ခဲ့ပါပြန်ပါပြီ။ အထောက်အပံ့အကူအညီ ခိုင်ခိုင်မာမာမရှိခဲ့ပေမယ့် ပြင်းပြတဲ့စိတ်ဆန္ဒကြောင့်သာ ဆောင်ရွက် နိုင်ခဲ့ခြင်း ဖြစ်ပါတယ်။ Internet Based Weather and Climate Information Web ဖြစ်ပါတယ်။ အချက်လက်တိုင်းတာချက်တွေကို Internet က ယူပါတယ်။ Analysis, Diagnosis, Prognosis တွေအားလုံးကိုတော့ ကိုယ်တိုင်ဘဲလုပ်ပါတယ်။ အမြဲမပြတ်လာမေးနေကြတဲ့ ဂျာနယ်သတင်းထောက် ကလေးတွေကြောင့် လူတွေဘာတွေသိချင်နေကြတယ်၊ ဘာတွေစိုးရိမ်နေကြတယ်။ ဆိုတာလေးတွေ ကိုခန့်မှန်းမိရာက အခုလိုဆန္ဒတွေ ပေါ်လာတာဖြစ်ပါတယ်။

လူတွေမှာတာဝန်(၃)ရပ်ရှိကြတယ်။

ကျွန်တော်ငယ်ငယ်က မှတ်သားဘူးတဲ့ စကားအဆိုအမိန့်တစ်ခုရှိပါတယ်။ အဲဒါကတော့
“လူဆိုတာ တာဝန်(၃)ရပ်ရှိတယ်။ ပထမတာဝန်က အတတ်ပညာတစ်ခုခုကို တတ်အောင် သင်ရမယ်။ ဒုတိယတာဝန်က ပိုမိုတတ်ကျွမ်းအောင် သင်ရမယ်။ တတိယ တာဝန်ကတော့ မိမိတတ်ကျွမ်းသမျှကို မျိုးဆက်သစ်လူငယ်တွေကို ပြန်သင်ကြားပေးရမယ်။”

လို့ နိုင်ငံခေါင်းဆောင်ကြီးတစ်ဦးက ပြောဘူးပါတယ်။ ဟုတ်ကဲ့…။ ကျွန်တော် လောဘများ သိပ်ကြီး နေမလားဘဲ။ သိပ်လူဖြစ်ချင်တယ်ဗျာ။ အမှန်ပြောရရင် လောကမှာ ကျွန်တော် လောဘ အလွန်ကြီးတဲ့အရာနဲ့ လောဘမကြီးတဲ့အရာ ဆိုတာရှိပါတယ်။ ကျွန်တော် လောဘကြီးတဲ့ အရာကတော့ “ပညာရဖို့” ဖြစ်ပါတယ်။ လောဘမကြီး စိတ်မ၀င်စားတဲ့အရာကတော့ “ငွေရဖို့နဲ့ အခွင့်အာဏာရှိဖို့” ဖြစ်ပါတယ်။ တောမှာမွေးလာတဲ့လူမို့ တောနေအဆင့်သာ အတွေးရှိပေတယ်လို့ ဝေဖန်ရင်လည်း ကျွန်တော်စိတ်ဆိုးမှာ မဟုတ်ပါဘူးဗျာ။

စကတည်းကယဉ်ခဲ့တဲ့ tunlwin.com

ဖြစ်ချင်တော့ ကျွန်တော့် website စမ်းသပ်နေတုံးမှာဘဲ ဆိုင်ကလုန်းမုန်တိုင်း ဂီရိကဖြစ်ခဲ့တယ်။ (၂၃-၁၀-၂၀၁၀) သီတင်းကျွန်လပြည့်နေ့မှ ဖွင့်ပွဲလုပ်မယ့် ကျွန်တော် website ဟာ စကတည်းက ယဉ်သကိုး ဖြစ်နေပါတော့တယ်။ တစ်သက်လု့း မိုးလေ၀သအလုပ်တွေ.. ရာသီဥတုအလုပ်တွေ.. ရူးရူးသွပ်သွပ်လုပ်နေခဲ့တဲ့ကျွန်တော့ကို မိုးနတ်မင်းကြီးက ကြိုတင် welcome လုပ်လိုက်တယ် ထင်ပါရဲ့ဗျာ။

ဖွင့်ပွဲလုပ်တဲ့ (၂၃-၁၀-၂၀၁၀)ရက်နေ့မှာ စမ်းသပ်ကာလ တစ်လအတွင်း MCCW Web ကို Clip နှိပ်ကြည့်သူပေါင်း (၁)သန်းကျော်ခဲ့တယ်လို့ counter ပြနေတော့ ကျွန်တော် အံ့သြသွားရပါတယ်။ ၀င်ကြည့်တဲ့သူကဘဲ တစ်သောင်းခုနှစ်ထောင်ကျော်ရှိပါတယ်။ ကျွန်တ်ာတာဝန်တွေရှိလာပြီလို့ ခံယူလိုက်မိပါတယ်။ ဒီတော့ ကျွန်တော် အလုပ်ကို ဆုတောင်းပြီး လုပ်ရပါတော့တယ်။ "အဓိပ္ပါယ်ရှိသောစကား၊ အကျိုးရှိသောစကား၊ မှန်ကန်သောစကား" များကိုသာ ပြောနိုင်သောကိုယ် ဖြစ်ရပါလို၏လို့။

အခုတော့စဖြစ်ခဲ့ပြီ။

အခုတော့ ကျွန်တော်စဖြစ်ခဲ့ပြီ။ "တာဝန်မရှိတော့ပေမယ့် တာဝန်သိတဲ့အနေနဲ့လုပ်ဖြစ်ခြင်း” ဖြစ်ပါတယ်။ ခန့်မှန်းရေးတွေကို နေ့စဉ်တစ်ဦးတည်း လုပ်ရတော့မှာ ဖြစ်တဲ့အတွက် ၀မ်းလည်း သာတယ်၊ ၀မ်းလည်းနည်းမိပါတယ်။
ဝမ်းသာတာကတော့ လုပ်သင့်လုပ်ထိုက်တာကို လုပ်ဖြစ်လို့ပါဘဲ။ ၀မ်းနည်းတာကတော့ အကြီးစား နှလုံးခွဲစိတ်မှုခံထားရသူ တစ်ဦးအနေနဲ့ တစ်စထက်တစ်စ ယိုယွင်းလာနေတဲ့ ကျန်းမာရေးကြောင့် စိုးရိမ်မိခြင်းဘဲဖြစ်ပါတယ်။
မိုးလေ၀သသမားဆိုတော့ အာကာသလေးနဲ့မကင်းတဲ့ ဥပမာလေးတစ်ခုကို သတိရမိပါတယ်။ "ကြီးကျယ် မြင့်မြတ်တဲ့ အာဇာနည်တွေဆိုရင် ဥက္ကာပျံနဲ့တူပါသတဲ့။ ဥက္ကာပျံဆိုတာ ဘယ်သူ့ကိုမှအားမကိုးဘူး။ ကိုယ့်ကိုယ်ကို လောင်စာအဖြစ်သုံးပြီး ကမ္ဘာကိုအလင်းရောင်ပေးစမြဲ" ဘဲတဲ့။
သူတို့နဲ့စာတော့ ကျွန်တော့်အဖြစ်က ပြောနေရတာတောင်ရှက်စရာပါ...။