ထက်ထက်မိုးဦးကို ပြည်တွင်း စာနယ်ဇင်းအဖွဲ့ရှုတ်ချ

ထက်ထက်မိုးဦးနဲ့ 7day ဂျာနယ်သတင်းထောက်ကိစ္စအပေါ် မြန်မာနိုင်ငံစာပေနှင့်စာနယ်ဇင်းအဖွဲ့က ကြေညာချက်ထုတ်ပါသတဲ့။ ဘယ်နေ့က ထုတ်ခဲ့တာလဲလို့တော့ လာမမေးနဲ့ဗျာ။ ဘယ်ရက်စွဲမှ ဖော်ပြမထားတဲ့အတွက် ကျနော်လည်း မသိဘူး.....

2_87_4 big

ထက်ထက်မိုးဦးနဲ့ သတင်းထောက် ဘယ်သူမှားသလဲ

မင်းနိုင်သူ

ရှုပ်ရှက်ကို ခတ်နေတာပဲ

ရှုပ်ရှက်ကိုခတ်နေတာပဲ။ ကျနော့်မေးလ်ထဲမှာလည်း ရှုပ်ရှက်ကို ခတ်နေတာပဲ။ ရှုပ်ရှက်ခတ်ရခြင်းဆိုတဲ့ အကျိုးဖြစ်လာအောင် အကြောင်းတရားရှာခဲ့မိတာကလည်း ကျနော်ပါ။ ကျနော့် စာနယ်ဇင်းသက်တမ်းတလျှောက်မှာ မင်းသား ၊ မင်းသမီးအကြောင်းဆိုလို့ ကျော်ဟိန်းနဲ့ ပတ်သက်ပြီးတော့ တခါပဲ ရေးခဲ့ဖူးပါတယ်။ သူ့အကြောင်းရေး ဖြစ်ခဲ့တာလည်း သရော်စာတပုဒ်ပါ။ လူဝတ်ကြောင်ကို စွန့်ခွာပြီး ရဟန်းဝတ်နဲ့ပဲ နေတော့မယ်ဆိုတဲ့ ကျော်ဟိန်းဟာ ဗိုလ်တထောင်ဘုရားပုရ၀ုဏ်အတွင်း သူ့ရဲ့ အသိသတိဘုရားကြီးကို ပေးအပ်လှူဒါန်းပွဲအခမ်းအနားမှာ ငါဆိုတဲ့မာနသံတွေနဲ့ တရားဟောတာကို မဂ္ဂဇင်းတခုမှ သရော်စာရေးခဲ့မိတာပါ။

ပြည်တွင်းမှာစာတိုပေစလေးတွေရေးသားပြီး ပြည်ပထွက်လာဖြစ်တဲ့နောက်မှာလည်း မင်းသား ၊ မင်းသမီးတွေအကြောင်း ကျနော်မရေးခဲ့ဘူးပါဘူး။ ပွင့်ပွင့်လင်းလင်းပြောရရင် သူတို့အကြောင်း စိတ်မ၀င်စားတာလဲ ပါပါတယ်။
အဲဒီလိုနေလာလိုက်တာ မေလ ၁၉ ရက်နေ့မှာတော့ ရုပ်ရှင်မင်းသမီး ထက်ထက်မိုးဦးက7day ဂျာနယ်က သတင်းထောက်ကောင်မလေးကို ကိုယ်ထိလက်ရောက်စော်ကားလိုက်တယ်ဆိုတဲ့ သတင်း ကျနော်ရလိုက်ပါတယ်။

သတင်းကြားကြားချင်းပဲ

သတင်းကြားကြားချင်းပဲ ကျနော်စိတ်ဝင်စားသွားပါတယ်။ဘာ့လို့စိတ်ဝင်စားရလဲဆိုတော့ မင်းသမီးနဲ့ပဋိပက္ခဖြစ်သူဟာ သတင်းထောက်ဖြစ်နေလို့ပါပဲ။ ဒါပေမဲ့ အဲဒီသတင်းကို ကျနော်မလိုက်ပါဘူး။ ကျနော်တို့ သတင်းဌာနမှာ အဲလိုသတင်းတွေကို ပင်တိုင်ရေးနေသူရှိလို့ပါ။ ကျနော်က သူကိုင်တွယ်နေကျ round ကို ကျနော်သွားကျော်မယ်ဆိုရင် ကျနော်လွန်ရာကျမယ်လေ။ ဒါ့ကြောင့်ပါ။

ဒါပေမယ့် ထင်မှတ်မထားတဲ့အချိန် စနေနေ့မှာ ထက်ထက်မိုးဦးနဲ့ အင်တာဗျူးလို့ရမယ့် ဖုန်းနံပါတ်ကို ပေးလာသူတယောက် ပေါ်လာပါတယ်။ နဂိုကတည်းက သတင်းထောက်နဲ့ဖြစ်တဲ့ကိစ္စမို့ စိတ်ဝင်စားနေတဲ့ ကျနော် မရှောင်နိုင်တော့ပါဘူး။ မေးခွန်းတွေ ပြင်ဆင်ချိန်မရလိုက်ဘဲ ထက်ထက်မိုးဦးကို အင်တာဗျူး လက်တန်းလုပ်လိုက်ရပါတယ်။

ရှက်တတ်တဲ့ မင်းသမီး

အင်တာဗျူးလုပ်လိုက်တော့ ထက်ထက်မိုးဦးဟာ ရှက်တတ်တဲ့ မြန်မာမင်းသမီးဖြစ်မှန်း ကျနော်သိလိုက်ရပါတယ်။ ကျနော်ဒီလိုပြောလိုက်လို့ ဟားတိုက်ရယ်မောသူတွေလည်းရှိကြမှာပါ။ တကယ်တော့ ထက်ထက်မိုးဦး အိမ်ထောင်ဆက်များတာဟုတ်ပါတယ်။ ဒါကလည်းသူ့အကြောင်းနဲ့သူ ဖြစ်ကောင်းဖြစ်မှာပေါ့။ ခင်များတို့ကျနော်တို့က သူ့နေရာကနေ ၀င်မခံစားဖူးဘူးလေ။ သူ့ အိမ်ထောင်ရေးပိုင်းမှာ သူဘယ်လိုကြုံတွေ့ခဲ့ရလဲဆိုတာ ကျနော်တို့မှ မသိနိုင်ဘဲကိုး။

သူ့ကို ဘာ့ကြောင့် ရှက်တတ်တာလို့ ပြောရလဲဆိုရင် သူ့က သတင်းထောက်မလေးအပေါ် လက်တုန့်ပြန်လိုက်တဲ့အတွက် ပဲ သူဟာ ရှက်တတ်တဲ့မြန်မာမင်းသမီးလို့ ကျနော် ကောက်ချက်ဆွဲတာပါ။ကျနော်တို့ မြန်မာတွေ အသိများတဲ့ အယ်လ်ဇဘက်တေလာ ၊ နစ်ကိုးလ်ကဒ်မင်း ၊ ပင်နလိုခရုစ် စသည့်ဖြင့် ဟောလီးဝုဒ်မင်းသမီးတွေဟာ ထက်ထက်မိုးဦးထက် အိမ်ထောင်ဆက်များပါတယ်။ ဒါပေမယ့် ဒီမင်းသမီးတွေဟာ သူတို့ အိမ်ထောင်ရေးပြဿနာတွေနဲ့ ပတ်သက်ပြီး သတင်းထောက်တွေ မေးသမျှ အရှက်မရှိဖြေကြားတတ်ပါတယ်။ တချို့အင်တာဗျူးတွေဆို ဖြေပေးတဲ့ သူတို့ကတောင် ပိုက်ဆံရတတ်ပါသေးတယ်။

ဒါဟာ အရှေ့တိုင်းယဉ်ကျေးမှုနဲ့ အနောက်တိုင်းယဉ်ကျေးမှု မတူကွဲပြားတာကို ပြတာလည်းဖြစ်ပါတယ်။ ဒါကြောင့် အရှေ့တိုင်းသူ မြန်မာမင်းသမီးဖြစ်တဲ့ ထက်ထက်မိုးဦးက သူ့ ကိုယ်ရေးကိုယ်တာမေးခွန်းတွေကို မေးမြန်းလာတဲ့အပေါ် တုန့်ပြန်လိုက်မိတာဟာ သူ့အနေနဲ့ အရှေ့တိုင်းအရှက်ကို ထိန်းသိမ်းတတ်နေလို့ပဲလို့ ကျနော်ယူဆပါတယ်။


ထက်ထက်မိုးဦးဟာ နာမည်ကြီးချင်တာလား

ဒီပြဿနာရဲ့ နောက်ဆက်တွဲမှာ ထက်ထက်မိုးဦးဟာ ကျနေဆဲ နာမည်ကို ပြန်တက်လိုတဲ့အတွက် ဒီပြဿနာကို ဖန်တီးတာလို့ မြင်သူတွေလည်းရှိပါတယ်။
ကျနော်ကတော့ ဒီလိုမယူဆပါဘူး။ ထက်ထက်မိုးဦးဟာ အရင်အခြေအနေကလိုမျိုး နာမည်မကြီးတာ မှန်ပါတယ်။ ဒါပေမယ့် နာမည်ပြန်ကြီးလိုတဲ့အတွက် သတင်းထောက်နဲ့ ပဋိပက္ခဖြစ်တယ်ဆိုတာကတော့ အင်မတန်အတွေး တိမ်လွန်းရာ ကျနေမလားပဲ။

ထက်ထက်မိုးဦးအရွယ်မှာ တခြားမင်းသမီးတွေလည်း နာမည်ကျစပြုတာ ကျနော်တို့ မြန်မာနိုင်ငံမှာ ဖြစ်လေ့ရှိတာ သဘာဝပါ။ ဥပမာ မို့မို့မြင့်အောင်လို ထိပ်ထိပ်ကြဲမင်းသမီးတောင် ခတ္တခဏငုပ်ကွယ်ခဲ့တာပါ။ နောက်မှသူ့ရဲ့သမ္ဘာနဲ့ သရုပ်ဆောင်ချက်တွေကြောင့် ပြန်ပေါ်လာရတာပါပဲ။ မင်းသမီးတင်မကပါဘူး။ မင်းသားတွေထဲက ရဲအောင် ၊ ကျော်ရဲအောင်တို့လည်း ထိုနည်း၎င်းပါပဲ။

ဒါကြောင့် နာမည်ဘယ်လိုကျစပြုပြု တချိန်မှာ နာမည်ပြန်ကျော်လာနိုင်သေးတဲ့ ထက်ထက်မိုးဦးက သတင်းထောက်ကို ပြဿနာရှာခြင်းဖြင့် နာမည်ကြီးအောင် ပြုတယ်ဆိုတာ လက်တွေ့ကျတဲ့ ကောက်ချဖြစ်ဖို့ ဝေးလှပါတယ်။ သတင်းထောက်နဲ့ပြဿနာဖြစ်ရင် သူ့အတွက် နာမည်ကြီးဖို့ထက် အန္တရာယ်များစွာနဲ့ ရင်ဆိုင်ရနိုင်တယ်ဆိုတာ အနုပညာလောကမှာ နှစ်ပေါင်းများစွာ ကျင်လည်လာတဲ့ ထက်ထက်မိုးဦး မသိစရာအကြောင်းမရှိပါဘူး။ ဒါ့ကြောင့် ထက်ထက်မိုးဦးရဲ့ အဖြစ်အပျက်ဟာ သတင်းထောက်ရဲ့ မေးခွန်းတွေအပေါ် အခြေခံပြီးဖြစ်လာတဲ့ ပြဿနာတွေလို့ ကောက်ချက်ဆွဲရမလားပါပဲ။

နိုင်ငံရေးသမားတွေကလည်းဆဲတယ်

နိုင်ငံရေးသမားတွေကတော့ ကျနော့်ကို ဆဲတာ ပလူပျံနေတာပါပဲ။ ရေရှား ၊ မိုးခေါင် ၊ ရွေးကောက်ပွဲအခြေအနေတွေကို ကျော်လွန်ပြီး ထက်ထက်မိုးဦးသတင်းကို ကျနော်က ဖွနေတယ်လို့ စွပ်စွဲကြတာပါပဲ။ ရယ်လိုက်ရတာ ဖတ်ဖတ်မော ရင်ဘတ်နောက်ကကျော လို့ပဲ ဖာတလုံးခေါင်းကျား ဇာတ်တော်ထဲက မန္တလေးသိန်းဇော် အိုက်တင်နဲ့သာ ရယ်ချင်မိတော့တာပါပဲ။ နိုင်ငံရေးသမားဆိုတာ လက်ရှိပစ္စက္ခအခြေအနေတွေပေါ်မူတည်ပြီး ဘယ်လိုစခန်းသွားရမလဲဆိုတာကို ၂၀၀၇ ခုနှစ်အတွင်း စက်သုံးဆီဈေးတက်မှုအပေါ် အခြေခံပြီး လှုပ်ရှားခဲ့တဲ့ ကိုမင်းကိုနိုင်တို့ အုပ်စုကို ပြန်မြင်ယောင်ကြည့်ကြပါလို့ပဲ တိုတိုပဲပြောပါရစေတော့။

တခြားနည်းနဲ့ မေးလို့မရတော့ဘူးလား

သတင်းထောက်ရဲ့ အစမေးခွန်း သုံးလေးခုစလုံးဟာ အရမ်းကို ကိုယ်ရေးကိုယ်တာဆန်လွန်းပါတယ်။ ဒါဖြင့်ရင် သတင်းထောက်တွေဟာ မေးလိုရာမမေးရဘူးလားလို့ မေးခွန်းထုတ်ကြပါလိမ့်မယ်။ ဒီမိုကရေစီနိုင်ငံမှာဖြင့်ရင် မေးလိုရာ မေးခွင့်ရကြပါတယ်ဗျာ။ ဒါပေမယ့် ဒီမိုကရေစီနိုင်ငံတွေမှာလည်း ပိုက်ဆံမပေးဘဲရတဲ့ နာမည်ကျော် မင်းသားမင်းသမီး အင်တာဗျူးတွေမှာ ဒီလို အစကနဦးမေးခွန်းတွေမှာတင် ကိုယ်ရေးကိုယ်တာတွေ စွတ်မေးနေလို့ကတော့ ဘယ်သူမှ ဖြေမယ် မဟုတ်ပေဘူး။

သတင်းထောက်က လိမ္မာပါးနပ်ရင်ဖြင့် မင်းသားမင်းသမီးရဲ့ လက်တလော အနုပညာလှုပ်ရှားမှုတွေအကြောင်းမေးလိုက် ၊ ကိုယ်ရေးကိုယ်တာလေးတွေ ညှပ်မေးလိုက်ဆိုရင်တော့ လိုချင်တာလေးတွေ ထွက်ကောင်းထွက်လာနိုင်ပါရဲ့။ အခုတော့ ကိုယ်ရေးကိုယ်တာမေးခွန်းတွေကိုချည်းပဲ ဆက်တိုက်မေးလိုက်တော့ တဘက်က မြန်မာမင်းသမီးလည်း ရှက်ကရောပေါ့။ ရှက်တော့ လက်တုံ့ပြန်ရောပေါ့။

ဘယ်သူ့အမှားလဲ

ကျနော့်အမှားပါ။ မအံ့သြကြပါနဲ့။ တကယ်ကို ကျနော့်အမှားပါ။ ထက်ထက်မိုးဦးနဲ့ သတင်းထောက် ဘယ်သူမှားသလဲဆိုတာကတော့ တရားရုံးက အဆုံးဖြတ်ပေးပါလိမ့်မယ်။ ကျနော့်အမှားကိုတော့ ဘယ်သူမှ အဆုံးဖြတ်ပေးမှာ မဟုတ်ပါဘူး။

ကျနော် ထက်ထက်မိုးဦးနဲ့ အင်တာဗျူးရလိုက်တာကိုက အမှားပါ။ ထက်ထက်မိုးဦးနဲ့ အင်တာဗျူးမှာ ကျနော်က စာနယ်ဇင်းသမားတွေဘက်က မရပ်တည်ဘူးဆိုပြီး ၀ိုင်းဆဲကြပါတယ်။ ကျနော့်ရဲ့ ဦးတည်ရာ မီးမောင်းထိုးပြရာကိုတော့ လိုက်ကြည့်သူ မရှိသလောက်ပါဘဲ။

နောက် သူတို့ရဲ့ တရားရင်ဆိုင်နေပုံတွေကို စာနယ်ဇင်းသမားတွေရဲ့ ပြောဆိုချက်တွေနဲ့ ရေးပြန်တော့ ကျနော်နဲ့ ပြည်တွင်းစာနယ်ဇင်းသမားတွေကို သွေးကွဲအောင် တွန်းတိုက်သူတွေ ပေါ်လာပြန်ပါရော။ ကျနော်က သူတို့ကို အသုံးချတယ်ပေါ့။ ဒီပွဲမှာ ကျနော်လူလည်ကျသွားတယ်ပေါ့။ ပြီးတော့ ကျနော်က သူတို့ကို ဘယ်အချိန်က ဘယ်လိုပြောခဲ့ဘူးတာပေါ့။ ဒီလိုနည်းတွေနဲ့ တွန်းတိုက်ကြတာပါ။ အားလုံးကို ကျနော်ပြန်ကြားရပါတယ်။ ဒါဟာ နအဖ ဘက်တော်သားတွေရဲ့ သပ်လျှိုသွေးခွဲနည်းဖြစ်လို့ ကျနော်ကတော့ သိပ်ရင်မခုန်လှပေမယ့် အထဲက ကျနော့် မ်ိတ်ဆွေတချို့ ရင်ခုန်နေရင်ဖြင့် ပြုခဲ့သမျှ ကျနော့် အမှားသာ ဖြစ်ပါကြောင်း ထပ်လောင်းပြောပါရစေလား ခင်ဗျား…….

မင်းနိုင်သူ

ပြောဖြစ်ခဲ့သမျှ

မထင်မှတ်ပါဘဲနဲ့ ဒီနေ့တော့ကျနော် အင်တာဗျူးဖြေပေးလိုက်ရပါတယ်။ ပြည်တွင်းသတင်းထောက်ချုပ်တဦးက ကျနော့်ကို ဗျူးသွားတာပါ။ သူကစာနယ်ဇင်းတွေဘက်က ကျနော်မရပ်ဘူးလို့ အမြင်ရှိနေပုံပါပဲ။ သူနဲ့ပြောဖြစ်ခဲ့သမျှလေးကို ခင်များတို့ပါ ဝေဖန်နိုင်ကြဖို့ တင်ပေးလိုက်ပါတယ်....သူ့အမည်ကိုတော့ လွဲပြောင်းထားပါတယ်။


1:26 PM မေ: ဘာကြောင့် မေးတဲ့ အခါမှာ စာနယ်ဇင်း သမားတွေကို နှစ်ပဲတပြား ပဲ ရတဲ့ နင်တို့ကို ငါက သနားလို့ဖြေပေးနေတာ လို့ ပြောတာ ဟုတ်လား လို့ မမေးရတာ လဲ ၊ ပီးတော့ အေးသူစံကို သတ်ပသ်မယ် ဘာမှတ်နေလဲ ဆိုတာကို ပြောခဲ့တယ် ဆို ဟုတ်သလား လို့ ဘာ့ကြောင့်မမေးတာ လဲ ကွာ
7 minutes
1:33 PM me: အဟဲ
အဲဒါတွေက တရားသူကြီးမေးရမယ့်ဟာတွေလေ
1:34 PM အနော်သိချင်တာက စာပေစိစစ်ရေးအပေါ်ကို
မင်းသားမင်းသမီးတွေကတောင် သြဇာလွှမ်းနိုင်တယ်ဆိုတာကို
မီးမောင်းထိုးပြချင်တာ
နားလည်လား
သူနဲ့ရန်ဖြစ်ဖို့က အနော့အလုပ်ဟုတ်ဘူးဗျ
1:35 PM သူ့ဆီကနေ သတင်းလွတ်လပ်ခွင့်မရှိတာတွေကို ဆွဲထုတ်တင်ပြနိုင်ဖို့က အနော့အလုပ်လေ
ပီးတော့ သူ့ကို ဖုန်းနံပါတ်ရရချင်း ၊ အထဲကချိတ်ပေးသူက ခုဆက်ပါပြောပြောချင်းဆက်ရတာ
ဘာမှ မေးခွန်းတွေ ပြင်ချိန်မရလိုက်ဘူး
လက်တမ်းမေးတာ
1:37 PM မေ: အဟတ်
အနော်က မေးစေချင် လို့ ပါ
1:38 PM me: ဟုတ်
နောက်ကို ကြိုပြောပေါ့နော်
ဘာလေးတွေ မေးပေးပါဆိုတာလေ
ဟိ
မေ: သေမယ်
me: ထည့်မေးပေးပါ့မယ်
မေ: အဟတ်

ဘဘဦးဝင်းတင်ကို မေးမြန်းဖြစ်ခဲ့သမျှ

ဘဘဦးဝင်းတင်ကိုပစ္စက္ခအခြေအနေတွေနဲ့ ပတ်သက်ပြီး ကျနော်မေးမြန်းကြည့်ဖြစ်ခဲ့တာလေးတွေပါ…..မေးဖြစ်ခဲ့တဲ့အချိန်ကာလကတော့ ၂၈-၅-၂၀၁၀ပါ….

ဘဘဦးဝင်းတင်ကို မေးမြန်းဖြစ်ခဲ့သမျှ နောက်ဆက်တွဲ

ပစ္စက္ခ

မြောင်းရေကလျှံ..ဗွက်ရေကတိုး
.ကြိုလာပါနဲ့ရွှေရောင်ရစ်ရယ် ရန်ကုန်ရေနစ်မှာစိုး..

ဆုမွန်

ထက်ထက်မိုးဦးနဲ့ အင်တာဗျူး

နေ့သစ်ကို ကြိုဆိုကြပါစို့

ဒေါ်အောင်ဆန်းစုကြည် မွေးနေ့မတိုင်မီ  ထွက်ရှိလာတော့မယ့် ထက်အောင်ရှိုင်းရဲ့ တေးစုခေါင်းစဉ်သီချင်းလေး တပုဒ်ပါ.....

ထက်ထက်မိုးဦးအမှု တရားရုံး ကြားနာ

ရုပ်ရှင် သရုပ်ဆောင် ထက်ထက်မိုးဦးနှင့် 7day ဂျာနယ် သတင်းထောက် အမှုကို ရန်ကင်းမြို့နယ် တရားရုံးက ယနေ့ ဆက်လက် ကြားနာ စစ်ဆေးကြောင်း သိရသည်။

“ဒီနေ့ တရားလိုပြ သက်သေ ၂ ဦးကို စစ်တာပါ။ 7dayက Entainment section editor မအေးမြကျော်နဲ့ Hello ဂျာနယ်က ကိုဘုန်းနေလ တို့ကို စစ်ပါတယ်"ဟု 7day ဂျာနယ်အယ်ဒီတာ မငြိမ်းငြိမ်းနိုင်က ဧရာဝတီသို့ ပြောသည်။

မအေးမြကျော်သည် တရားလို သတင်းထောက် မအေးသူစံကို အခင်း ဖြစ်ပြီးနောက် ပထမဆုံး တွေ့မြင်ခဲ့ရသူ ဖြစ်သည်။ ကိုဘုန်းနေလကမူ အခင်း ဖြစ်ပွားမှုကို မျက်မြင် တွေ့မြင်ရသူ ဖြစ်သည်။

ထို့ကြောင့် တရားလိုပြ သက်သေများ အဖြစ် တရားရုံးသို့ တင်သွင်းခဲ့ခြင်း ဖြစ်ကြောင်း သိရသည်။

တရားလို မအေးသူစံ ဘက်မှ တရားလိုပြ သက်သေ (၄) ဦး တင်သွင်းခဲ့ သော်လည်း သက်သေ တဦးမှာ တရားရုံး၏ ဆင့်ခေါ်မှုကို ငြင်းပယ် ခဲ့ကြောင်း တရားလို၏ အယ်ဒီတာက ပြောသည်။

လွန်ခဲ့သည့် မေလ ၁၉ ရက်နေ့က ဆီဒိုးနားဟိုတယ်တွင် ပြုလုပ်နေသည့် ကုန်စည်ပြပွဲတခု၌ ထက်ထက်မိုးဦးနှင့် 7day ဂျာနယ် သတင်းထောက်တို့ အင်တာဗျူးတခုပြုလုပ်ခဲ့ပြီးနောက် ထက်ထက်မိုးဦးက သတင်းထောက်ကို ကိုယ်ထိလက်ရောက် ပြုမူခဲ့သဖြင့် ရန်ကင်း တရားရုံးတွင် တရားရင်ဆိုင်နေရခြင်းဖြစ်သည်။

အဆိုပါအမှုကို ရန်ကင်းတရားရုံးက မေလ၂၄ ရက်နေ့က စတင်ကြားနာခဲ့သည်။ ကနဦး ကြားနာမှုတွင် တရားလို သတင်းထောက် မအေးသူစံနှင့် မ၀င်းမာတို့က ထွက်ဆိုချက်ပေးခဲ့ကြသည်။

ယနေ့ ရုံးချိန်းကို နံနက် ၁၁ နာရီတွင် စတင်ခဲ့ပြီး မွန်းလွဲ ၁ နာရီတွင် ပြီးဆုံးကာ ဇွန်လ ၃ ရက်သို့ ထပ်မံရုံးချိန်းပေးလိုက်ကြောင်း သိရသည်။

“အဲဒီနေ့ကျရင် တရားသူကြီးက ပုဒ်မတွေ ဖတ်ပြမယ်ပြောပါတယ်"ဟု 7 day အယ်ဒီတာ မငြိမ်းငြိမ်းနိုင်က ပြောသည်။

အဆိုပါတရားစီရင်မှုကို စာနယ်ဇင်းအသိုင်းအ၀ိုင်းက စိတ်ဝင်စားမှုရှိနေပြီး တရားရုံးချိန်းများတွင် လာရောက်နားထောင်သူ များကြောင်း ၊ တရားရုံးသို့ လာရောက်သူများကို ရဲအဖွဲ့က အမည်စာရင်းတောင်းယူလေ့ရှိကြောင်း ပြည်တွင်း သတင်းထောက် တဦးက ပြောသည်။
source; irrawaddy

ဆုံးရှုံးမှုတွေထွေးပိုက်ရင်း တမ်းတမိတယ်အမိမြေရယ်

ဒီတပတ် တနင်္ဂနွေပန်းတော်ဖြေကဏ္ဍအတွက်ပါ။ အသံကြားတာနဲ့ ထက်အောင်ရှိုင်းမှန်း သိပီးသား။ မင်း ၀င်ဝင်ပြီး လေမရှည်နဲ့လို့ သြဘာပေးကြလွန်းလို့ ဒီတပတ်တော့ ဘယ်သူဆိုတာ ဘာအကြောင်းဆိုတာတွေ ပြောတော့ဘူးနော်။

ထက်ထက်မိုးဦးနဲ့ သတင်းထောက် ပဋိပက္ခကို စတင်စစ်ဆေး

ထက်ထက်မိုးဦးအမှုအား ယနေ့တွင် တရားလိုနှင့် တရားလိုသက်သေတစ်ဦးအား စတင်စစ်ဆေး၊ ၂၇ ရက်နေ့သို့ ထပ်မံရုံးချိန်းပေးလိုက်ပါတယ်။ နံနက် (၁၁)နာရီက ရန်ကင်းတရားရုံးမှာ တရားလို သတင်းထောက်ရဲ့ ထွက်ဆိုချက်တွေကို စတင်ကြားနာခဲ့တာဖြစ်ပြီး မွန်းလွဲ (၂)နာရီလောက်မှာ အမှုကို တရားရုံးက လက်ခံခဲ့ပါတယ်။

အဆိုပါတရားခွင်သို့ ပြည်တွင်းစာနယ်ဇင်းသမားများစွာ တက်ရောက်နားထောင်ခဲ့ကြပါတယ်။ တက်ရောက်လာတဲ့ စာနယ်ဇင်းသမားအားလုံးကို သတင်းတပ်ဖွဲ့က နာမည်စာရင်းတောင်းယူထားကြောင်း ရဲသတင်းရပ်ကွက်က ပြောပါတယ်။

စကားချီး

စောစောကပဲ အယ်ဒီတာတဦးနဲ့ ပြောဖြစ်ကြတာလေးတွေကို ပြန်တင်ပေးလိုက်ပါတယ်။ အမည်တွေတော့ လွဲပြောင်းပေးထားပါတယ်။ ကျန်တာကတော့ ချက်တင်ထဲက အတိုင်းပါပဲ။ ဘာမှ မတည်းဖြတ်လိုက်ပါဘူး။

ပြည်တွင်းစာနယ်ဇင်းတွေ ကိုယ့်ကိုယ်ကို ဘယ်လောက်ကာကွယ်နိုင်မလဲ စောင့်ကြည့်ရမယ့်ပွဲ

aung: သူတစ်ပါး၏ဂုဏ်သိက္ခာထိခိုက်ပျက်စီးစေရန် ရည်ရွယ်၍ ပုဂလိကအခွင့်အရေးအား စာနယ်ဇင်းသမားများ ထိပါးပိုင်ခွင့်မရှိပါ
thu: မင်္ဂလာပါ
မင်္ဂလာဈေး မီးလောင်နေပါတယ်
Sent at 11:27 AM on Monday
aung: သတင်းထောက်များ သည် နှစ်ပြား တပဲမဟုတ်ပါ
thu: အဲဒါဆို နှစ်ပဲ တပြားလား
မင်းကလည်း ဟိုလူပြော ဟိုလူ့ဘက်ပါလိုက် ဒီလူပြော ဒီလူ့ဘက်ပါလိုက်နဲ့
Sent at 1:51 PM on Monday
aung: why
thu: နောက်ဆုံးအခြေနေက ဘယ်လိုလဲ
မီးကိစ
aung: stop
Sent at 1:57 PM on Monday
thu: ငြိမ်းသွားပြီလား
aung: aye
how you think
htet htet moe oo and 7 day reporter
thu: အဲဒီ ဖြစ်ပီးသွားတဲ့ ကိစ္စက မေးခွန်းမေးသူကလည်းအားနည်းချက်တွေရှိတယ်
မင်းသမီးကလည်း ကိုယ်ထိလက်ရောက် မလုပ်သင့်ဘူး
အဲဒီထက်ပိုပြီး ကျယ်ဝန်းတာက
ပြည်တွင်းသတင်းမီဒီယာတွေဟာ
aung: me too
your same
thu: သတင်းလွတ်လပ်ခွင့်အတွက်ဘယ်လောက်
တိုက်ယူနိုင်မလဲ
သူတို့အစွမ်းကို ကြည့်ရမှာပဲ
ထက်ထက်နဲ့ ကျနော် အင်တာဗျူးမှာကြည့်
မင်းသားမင်းသမီးကတောင် စာပေစိစစ်ရေးသွားပြီး
ဒါမှထည့်ပါနဲ့လို့ ပြောလို့ရနေတယ်
ကြည့်စမ်း
မြန်မာနိုင်ငံမှာ စာပေစိစစ်ရေးဆိုတာကြီးရှိနေတဲ့အတွက်
အဲဒီစာပေစိစစ်ရေးဆိုတာကြီးကလည်း
အစိုးရရဲ့ပေါ်လစီကိုကာကွယ်၇ုံတင်မဟုတ်ဘူး
သူ့မှာ တိကျတဲ့မူဘောင်မရှိဘူး
သူ့ကိုသြဇာလွမ်းနိုင်သူမှန်သမျှက
သြဇာပေးလို့ရနေတယ်
ကြည့်စမ်း
ပြည်တွင်းစာနယ်ဇင်းဘ၀
နောက်တချက်က
ထက်ထက်က ခုထိ
တရားရင်ဆိုင်ဖို့ ပြင်မထားဘူး
အဲဒါ ဘာကိုပြလဲဆိုတော့
သူ့အတွက်က အေးဆေးပါဆိုတာကိုပြတယ်
aung: good idea
thu: ဘာ့ကြောင့် အေးဆေးဖြစ်ရလဲဆိုတာ
စဉ်းစားကြည့်ပေါ့
aung: bed ground
thu: အဲတော့ ပြည်တွင်းစာနယ်ဇင်းတွေဟာ တရားဥပဒေရှိလားမရှိလားဆိုတာကို
မေးမြန်းစိမ်ခေါ်ကြရတော့မယ်
ဖြစ်တာကို အငြင်းပွားတာတွေရပ်ပီး
ဒီအမှုတရားရုံးက ဘယ်လိုကိုင်တွယ်မလဲဆိုတာကို
ခင်များတို့ သေချာစောင့်ကြည့်ရတော့မှာ
အဲလိုမှ မဟုတ်ရင်တော့
ပြည်တွင်းစာနယ်ဇင်းတွေဆိုတာ မြောင်းထဲရောက်ကုန်မယ်
တရားရုံးကို ပြည်တွင်းစာနယ်ဇင်းသမားတွေ ဘယ်လောက်စိမ်ခေါ်ရဲလဲ
ဆိုတာ ကြည့်ရမယ့်ပွဲ
တရားရေးရဲ့ တရားမှု မတရားမှုကို ပြည်တွင်းစာနယ်ဇင်းတွေ ဘယ်လောက် WATCH လုပ်နိုင်မလဲဆိုတာကို ကြည့်ရမယ့်ပွဲ
ပြည်သူကိုကိုိယ်စားပြုမေးတာပါတွေ ဘာတွေနဲ့ နွဲ့ပြမနေကြနဲ့
တရားစီရင်ရေးကို ဘယ်လောက် စောင့်ကြည့်ပေးနိုင်မလဲဆိုတာပဲကြည့်ရမယ်

ထက်ထက်မိုးဦးအား သတင်းထောက်ကို နာကျင်စေမှုဖြင့် တရားစွဲ

ရုပ်ရှင်သရုပ်ဆောင် ထက်ထက်မိုးဦးသည် ယမန်နေ့ညပိုင်းက သတင်းထောက်တဦးအား ဆံပင်ဆွဲ လည်ပင်းညစ်ခဲ့သဖြင့် ယနေ့တရားစွဲခံထားရသည်။

ယမန်နေ့ညက ဆီဒိုနားဟိုတယ်တွင် ကျင်းပသည့် ဧည့်ခံပွဲတခုတွင် 7Day ဂျာနယ်အမျိုးသမီးသတင်းထောက်တဦးက ထက်ထက်မိုးဦးအား မေးခွန်းတခုမေးမြန်းခဲ့ရာ ယင်းမေးခွန်းအပေါ်မကျေနပ်သည့်အတွက် သတင်းထောက်ကို ဆံပင်ဆွဲ လည်ပင်းညစ်ခဲ့ခြင်းဖြစ်ကြောင်း သိရသည်။

"ဒီနေ့တရားစွဲထားတယ်ဗျ။ ရန်ကင်းတရားရုံးမှာ။ ပြစ်မှုပုဒ်မ ၁၈၂/၂၀ တပ်ထားတယ်။ တရားသူကြီးက ဦးနေအောင်လို့ ကြားထားတယ်"ဟု နာကျင်ခဲ့ရသည့်သတင်းထောက်၏ သူငယ်ချင်းတဦးက ပြောသည်။

ပါတီဆယ်ကိုယ်ခွဲတဲ့ ရွေးကောက်ပွဲ

ခင်များတို့ ကျနော်တို့ရဲ့ မိတ်ဆွေကြီး ကိုထက်အောင်ရှိုင်းရဲ့ သီချင်းသစ်လေးပါ။ ကိုယ်ခွဲပါတီတွေနဲ့ လူထုကို ကလေးမျက်လှည့်ပြချင်နေတဲ့ စစ်အာဏာရှင်တွေကို သရော်ထားသလို လောကမှာ ဓမ္မတရားတွေလျော့ပါးလာတာကိုလည်း "ဒီကမ္ဘာကြီးထဲတွင် လွတ်လပ်ခြင်း မျှတခြင်း သက်သေမရှိပါ အရှင်းသားပင်"ဆိုပြီးတော့လည်း လောကကြီးကို သရော်ထားပါတယ်။ ကိုထက်အောင်ရှိုင်းရဲ့ ပရိတ်သတ်တွေ ကျေနပ်စေမယ့် သီချင်းလေးတပုဒ်ပါပဲ...ကဲ..ကျနော်တို့ နားဆင်ကြည့်ရအောင်လား...

ချက်တင်

me: နင်မှ ငါ့ခံစားချက်ကို နားမလည်ဘဲ
  ငါ့မှာ ပုံလေးကြည့်လိုက်
  တွေးလိုက်
  အခန်းထဲမှာလည်း ငါတယောက်တည်း
  ကွေ့တီယို ပန်းကန်တွေပြန့်ကျဲ
3:07 PM ဘီယာဘူးခွံတွေ အခန်းထောင့်မှာလဲ
 ya.....: stop
  ok?
  try to be good to yourself
 me: စိတ်ကူးတွေနဲ့ ရူးသွပ်နေဆဲ
 ya......: don't think about me
 me: ဘ၀ဆိုတာဘာပါလဲ
 ya.....: I know it's hard
  but
  you are a man
  be bold
  never feel dull for a girl
3:08 PM me: မိန်းမတယောက်ရဲ့ နူးညံ့ပျော့ပျောင်းမှုကို ငါဘယ်အချိန်မှ ပြည့်ပြည့်၀၀ ထိတွေ့ခွင့်ရမှာလဲ
  သိုဝှက်ထားတဲ့ မီးတောင်တွေ ပေါက်ကွဲလုလု
3:09 PM အချစ်တခုဟာ ဖြစ်တည်ဖို့ အဲလောက်ထိ ခဲယှဉ်းပါသလား
  မေးခွန်းတွေကြားမှာ ဗျာများမှုတွေ မတွေ့ချင်ဘူး
3:10 PM အရှင်းဆုံးကတော့ အရှင်းဆုံးပဲ
  ဧကစာရီဆိုတာ ငါ့အတွက်လား
  အကျိုးပေးနည်းပါးမှုတွေ မြန်မြန်ကုန်ခမ်းပါစေ
3:15 PM ya.....: hewwwwwwwwwww
  I can't solve your problem
 me: မဖြေရှင်းတတ်တာကို မဖြေရှင်းတတ်ဘူးပြောရုံနဲ့ တာဝန်ကျေပြီလား
3:16 PM ya......: sp
  so
  what can I do for you?
 me: ဒီပြဿနာတွေကြားမှာ ကမ္ဘာဟာ ပြားပြားလာနေ
 ya......: ma si ma saing
 me: အချစ်က အချစ်ကို မသိ
 ya.......: ka bar ka pyar ya thay
  wait
 me: အရာအားလုံဟာ နတ္ထိဖြစ်ဖို့ကလည်းဝေးသေး
 ya......: you think that I love you and I don't know myself
3:17 PM it's not true
  I know myself very well
 me: မပြောနဲ့တော့
  တော်ပါတော့
 ya......: Love is sth we can't deny when it comes to you, me, or others
3:19 PM even if you don't want to hear,
  listen again
  I know myself very well
  and I know my feeling very well
3:20 PM I'm never interested in you
  as a bf
  my feeling never exceeds as a friend or a brother
3:21 PM check your chat lists with me
  and read carefully
 me: အချစ်ဖြင့်ရီဝေမှုကို 100 piper ဖြင့် လောင်မြှိုက်စေခိုက် သူမရဲ့ သိုးဆောင်းစကားတွေ ကြားဖြတ်ဝင်ဝင်လာ
3:22 PM ကျနော်မူးနေပြီလား
  မူးနေတာအချစ်လား အရက်လား သိုးဆောင်းစကားလား
  အရာရာဟာ မကွဲမပြား
  အသည်းကြားမှာတော့ ရတနာ
  မရတနာ မရတနာ
  ခင်များဟာ ကျုပ်ကို မသိဘူး
3:23 PM ကျုပ်က ခင်များကို သိတယ်
  ဒီလိုပါပဲကွယ်
3:24 PM ညည ကြယ်တွေ ကြွေသွားတယ်

လစ်ဟင်းမှုများကို ဖာထေးခြင်း

ကျနော့်ဘလော့လေးမှာ ပို့စ်အသစ်တွေမတင်ဖြစ်တာကြာပြီ။ ရုံးကိုရောက်ပြီး အလုပ်တွေပိနေလို့ပါလို့ပဲ ပြီးစလွယ်ဆင်ခြေပေးရမှာပါ။ ဒီနေ့တော့ ရုံးမသွားတော့ဘဲ ရေးချင်စိတ်တွေ ခနခနပေါ်နေပြီး မရေးဖြစ်သေးတဲ့ ဖြစ်ရပ်မှန် ဇာတ်လမ်းလေးကို ရေးဖြစ်သွားပါတယ်။ စစ်အာဏာရှင်စနစ်အောက်မှာ အထက်က အဖွဲ့အစည်းကိုကြောက်နေရတဲ့ အောက်ခြေအဖွဲ့က ၀န်ထမ်းတွေရဲ့ အဖြစ်အပျက်ကို တွေ့မြင်ကြရမှာပါ။ ကျနော့်ရဲ့ လစ်ဟင်းမှုတွေကို ဖာထေးမိနိုင်မယ်တော့ ထင်ပါရဲ့။

(၂၀) ကို သိတယ်နော်

မင်းနိုင်သူ


တင်ပါးတွေ ကျိန်းစပ်နေပြီ။

နောက်ဆုံးနားခဲ့ရတာက တရုတ်-မြန်မာနယ်စပ် တရုတ်ပိုင်နယ်မြေထဲက ဘန်ဘောဆိုသော ရွာကလေး။ သည့်နောက်တွင်တော့ သူတို့ အုပ်စု မနားတော့ဘဲ ကေအိုင်အေစိုးမိုးထားရာ အင်ဖာဖာတောင်တန်းကြီးကို ဖြတ်သန်း မောင်းနှင်ခဲ့ကြသည်။ အင်ဖာဖာတောင်တန်းကြီးတလျှောက် လားတကောင် သွားသာရုံသာရှိသည့် လမ်းများ ၊ လျှိုများ ၊ ချိုင့်များ ၊ ချောင်းသွယ် ၊ မြောင်းသွယ်များကို ဖြတ်ကျော်အပြီး တောင်အောက်ရောက်ချိန်တွင် သူတို့အားလုံးတင်ပါးတွေ ကျိန်းစပ်နေကြပေပြီ။

သူတို့ဆိုသည်ကား မုံရွာမြို့မှ ဘွဲ့ရပြီးစ အလုပ်လက်မဲ့ ကျောင်းသားတစု။ ကျောင်းပြီးစ အလုပ်မရကြသေးမီ ဒေသတွင်းတွင် တရုတ်ဆိုင်ကယ်များ ခေတ်စားလာသဖြင့် တရုတ်ပြည် ကျယ်ဂေါင်ဘက်ကူးကာ ဆိုင်ကယ် ကယ်ရီကူးလာကြသော ကျောင်းသား (၉) ယောက်ဖြစ်သည်။

တရုတ်ပြည်ဘက်သို့ အသွားတွင် ရှမ်းပြည်နယ်မြောက်ပိုင်း မူဆယ်ဘက်မှ တဆင့်သွားခဲ့ကြခြင်းဖြစ်ပြီး အပြန်အဆင်းတွင်မူ ကချင်ပြည်နယ်မှ ကေအိုင်အေစိုးမိုးထားရာ တောင်တန်းကြီးကို ဖြတ်သန်းဆင်းလာကြခြင်း ဖြစ်သည်။ မူဆယ်- မန္တလေးလမ်းကြောမှ ပြန်ဆင်းလျှင် ဂိတ်ကြေး အပေးအကမ်းများသည်။ ထို့ကြောင့် လမ်းကြမ်းသော်လည်း ဂိတ်ကြေးပေးရမှုနည်းသည့် ဒီလမ်းကြောကို သူတို့ရွေးချယ်ခဲ့ကြခြင်းဖြစ်သည်။

တောင်အောက်ခြေ မန်စီမြို့နယ်အတွင်း ရောက်လာပြီဖြစ်သော်လည်း သူတို့ဆိုင်ကယ် ကယ်ရီအုပ်စု အနားမယူရဲသေး။

“စင်းခန်းတံတားလေးနားရောက်မှ နားကြမယ်ဟေ့။ ဒီမှာနားလို့ မဖြစ်ဘူး။ စစ်တပ်ကကောင်တွေ မြင်သွားရင် စွတ်တောင်းမယ်။ ဆက်မောင်းမယ်” အုပ်စုခေါင်းဆောင် မင်းစိုးအောင်က တောင်ခြေအောက်က လယ်ကွက်များကြား ဖြတ်မောင်းရင်း နောက်ကိုလှည့်အော်သည်။

ဒီလမ်းခရီးကို တခြားအဖွဲ့တခုနှင့် (၅) ကြိမ်လိုက်မောင်း ထားပြီးသော မင်းစိုးအောင်က သူတို့အဖွဲ့ခေါင်းဆောင်။ ဘယ်နေရာတွင် ဘယ်အဖွဲ့က အတောင်းအရမ်းကြမ်းသည် ၊ ဘယ်အချိန်တွင် ဘယ်လမ်းကဖြတ်ပါက ဂိတ်ကြေးပေးစရာမလိုဆိုသည်တို့ကို မင်းစိုးအောင် နောကြေပြီးသား။

မန်စီဒေသခံစစ်တပ်ရင်း၏ ကင်းအဖွဲ့နှင့်မတိုးမီ မန်စီမြို့နယ်တွင်းမှ သူတို့ ဖောက်ထွက်နိုင်ခဲ့ကြသည်။ ကင်းအဖွဲ့နှင့် တိုးလျှင်ပေးဆောင်ရမည့် ဆိုင်ကယ်တစီး ကျပ် (၅၀၀၀) ကို သူတို့ မပေးခဲ့ကြရတော့။ မန်စီဒေသခံစစ်တပ်က ကြမ်းသည်။ ငွေပေးရသည့်အပြင် မထင်လျှင်မထင်သလို အဆဲအဆို အထုထောင်းလုပ်တတ်သည်။

အင်ဖာဖာတောင်ကို ဖြတ်စဉ် ကေအိုင်အေ တပ်မဟာ (၃၃) ကိုလည်း သူတို့ ဂိတ်ကြေးပေးရပါသည်။
သို့သော် ထိုဂိတ်တွေက သူတို့ ဆိုင်ကယ်ကယ်ရီသမားတွေကို မရစ်။ “ယောက်ဖရေ” ခေါ်ပြီး ဂိတ်ထဲရှိသော အသီးအနှံများကိုပင် ချကျွေးတတ်သည်။

စင်းခန်းတံတားလေးထိပ်မှ ထမင်းဆိုင်လေးရှေ့ရောက်သောအခါ ည(၈) နာရီထိုးလုလု။ ကျိန်းစပ်ပူလောင်နေသော သူတို့ တင်ပါးများကို ဆိုင်ကယ် ဖင်ထိုင်ခုံမှ အပြေးအလွှားခွာကာ ထမင်းဆိုင်လေးထဲ ပြေးဝင်ကြသည်။

ဒီနေ့ညတော့ ဒီထမင်းဆိုင်လေးမှာပဲ သူတို့ မှေးစက်ကြရတော့မည်။ ကချင်ပြည်နယ်၏ စက်တင်ဘာ အအေးဒဏ်သည် သူတို့ကို ကချင်ဆန်အရက်မွှေးမွှေးနှင့် မိတ်ဆက်စေသည်။

“ဟိုဘက်တံတားထိပ်က တဲလေးက ဘာလဲကွာ။ ထမင်းဆိုင်ပဲလား”
အခုမှ ပထမဆုံးအခေါက်လိုက်လာသည့် ပြူးကျယ်က သောက်လက်စ အရက်ခွက်ကို ရှင်းလိုက်ရင်း ကယ်ရီအဖွဲ့ခေါင်းဆောင် မင်းစိုးအောင်ကို လှမ်းမေးသည်။

“အဲဒါ မနက်ကျရင် မင်းကို လည်မြိုညှစ်ပြီး ဂိတ်ကြေးတောင်းမယ့် တံတားစောင့်ရဲတွေနေတဲ့ ဂိတ်တဲ”

မင်းစိုးအောင်အဖြေကြောင့် ပြူးကျယ် ပုခုံးတွန့်သွားသည်။ ဂိတ်ကြေး ဂိတ်ကြေးဆိုသည့် အသံကြားတိုင်း နဂိုက ပြူးကျယ်နေသည့် သူ့မျက်လုံးများ ပိုပို ပြူးသွားတတ်သည်။ ပထမဆုံးအခေါက် ဂိတ်ကြေးများပြီး ဆိုင်ကယ်အရှုံးပေါ်ပါက သူ့မိဘက သူ့ကို နောက်ထပ် အရင်းအနှီးထုတ်ပေးမည်မဟုတ်ဟု အပြတ်ပြောထားသဖြင့် ဂိတ်ကြေးသံကြားတိုင်း သူလန့်သည်။

သူတို့အားလုံး ကချင်ဆန်အရက်နွေးနွေးကြောင့် စကားဝိုင်းသွက်လာချိန်တွင် တံတားတဖက်မှ လူတဦးဖြတ်လာနေသည်။
ထိုသူသည် သူတို့ တည်းခိုမည့် ထမင်းဆိုင်လေးထဲ လှမ်းဝင်လာပြီး ဘီအီးအရက်တပိုင်းမှာယူသည်။
ဆိုင်ရှင်သည် အရက်သွားပေးရင်း ထိုသူနှင့် စကားစမြည်ပြောဆိုနေသည်။ သူတို့ ပြောဆိုသံများကို ပြူးကျယ် အသာနားစွင့်ထားသည်။

တံတားတဘက်ခြမ်းမှကူးလာသူက အရက်တပိုင်းကုန်လုလုတွင် သူ့တို့ဝိုင်းဘက်ကို လည်ပြန်လှည့်ကြည့်ရင်း “ဟေ့လူတွေ ခင်များတို့ မနက် ဘယ်နှစ်စီးဖြတ်မှာလဲ။ ခေါင်းဆောင်က ဘယ်သူလဲ”ဟု မေးသည်။

အားလုံးက မင်းစိုးအောင်ကို လက်ညိုးထိုးပြကြသည်။

“အေး…ခင်များတို့ ဘယ်နှစ်စီးလဲ။ ကျုပ်ဒီည ငွေလိုနေတယ်။ မနက်ပေးရမယ့် ဂိတ်ကြေးကို ခုကတည်းက ပေးပါ။ မနက်ဂိတ်ဖြတ်ချိန် ကျုပ်မနိုးသေးရင် ကိုအောင်ပွင့်ကို ပေးပြီးသားလို့ ပြောလိုက်”
ထိုသူ့စကားကို အဖွဲ့ခေါင်းဆောင် မင်းစိုးအောင် ဘယ်လို တုန့်ပြန်ရမည်မသိ။ ကြောင်အမ်းအမ်းဖြစ်နေသည်။

ထိုအခိုက် စားပွဲဝိုင်းမှ ပြူးကျယ်ထလာသည်။ ထို့နောက် အောင်ပွင့်ဆိုသူကို လက်ညိုးထိုးပြီး
“ဟေ့ရောင်…မင်းက ဟိုဘက်က ဂိတ်စောင့်ရဲမို့လား။ လာ အပြင်ထွက်ခဲ့ မင်းနဲ့ငါ ပြောစရာရှိတယ်”ဟု ဆိုကာ ထိုသူကို ဆိုင်အပြင်လိုက်ခဲ့ရန် လက်ယပ်ခေါ်သည်။

ပြူးကျယ်စကားကြောင့် မင်းစိုးအောင် ခေါင်းနပန်းကြီးသွားသည်။ မကြီးခံနိုင်ရိုးလား။ ပြူးကျယ်ဆိုသည့်ကောင် ရဲကို ဆိုင်အပြင်ခေါ်ထုတ်ပြီး ဘာတွေရစ်မည်မသိ။ ပြဿနာပေါ်လျှင် သူပဲရှင်းရဦးမည်။ ပြူးကျယ်ကို လိုက်ဆွဲမည်ကြံနေစဉ် ရဲက ခေါင်းလေးငိုက်စိုက်ငိုက်စိုက်ဖြင့် တံတားတဘက်ပြန်သွားတော့သည်။

ပြူးကျယ်ကတော့ ခေါင်းမော့ရင်ကော့ရင်း လက်မတထောင်ထောင်ဖြင့် ထမင်းဆိုင်လေးထဲပြန်ဝင်လာသည်။

“ပြူးကျယ်…မင်းဘယ်လို ကွိုင်ရှာလိုက်တာလဲ။ မနက်ကျရင်တော့ ကွိုင်ပဲကွာ”

မင်းစိုးအောင်အပြောကို ပြူးကျယ်က ခနဲ့ပြုံးပြုံးကာ

“ကွိုင်ရှာတာမဟုတ်ဘူးကွ။ ကွိုင်ရှင်းလာတာ။ ငါဘာမှ မလုပ်ပါဘူး သူ့ကို မင်း (၂၀) ကိုသိလားလို့ပဲမေးလိုက်တာ”
“ဘာ (၂၀) လဲ။ ဘယ်က (၂၀)လဲ” အားလုံးက ၀ိုင်းမေးကြသည်။

ပြူးကျယ်က အားလုံးကို အ ရန်ကောဆိုသည့်အကြည့်ဖြင့် တချက်ဝေ့ကြည့်လိုက်သည်။

“ဘာ(၂၀)ရမလဲ။ တို့စစ်ကိုင်းတိုင်းမှာ သူ့အထက် ဘယ်အဖွဲ့မှ မရှိတော့တဲ့ ထောက်လှမ်းရေး (၂၀) ပေါ့ဟ။ ထောက်လှမ်းရေးတွေဘာတွေထည့်မနေနဲ့ (၂၀) ဆိုတာနဲ့တင် သူတို့ ဌာနဆိုင်ရာတွေက နားလည်ပြီးသား။ မင်းတို့သာ ငတုံးတွေမို့”

“အင်း…ဆိုပါဦး..မင်းက (၂၀) ကို သိလားဆိုတာနဲ့ ဟိုငနဲက လစ်သွားရောလား”

မင်းစိုးအောင်က မေးခွန်းဆက်ထုတ်သည်။

ပြူးကျယ်က သူ့သွားကျဲကျဲကြီးများကို ဖြဲလိုက်ရင်း
“ငါ့ဇာတ်လမ်းမှာ မင်းလည်းပါသကွ။ ဗီလိန်နေရာကပေါ့ကွာ….ဟီး။ ငါက မင့် (၂၀) ကို သိတယ်နော်လို့ ကြိမ်းမေးလေးမေးလိုက်တာနဲ့တင် သူကနည်းနည်းတော့ လန့်နေပြီကွ။ နောက်တော့ငါက မင်းဟာ ဆိုင်ကယ်ကယ်ရီခေါင်းဆောင်လုပ်ပြီး စိတ်ကြွဆေးတွေသယ်နေတယ် သတင်းကြားလို့ ငါက နောက်က လိုက်နေတဲ့အကြောင်းလေးပဲ ပြောလိုက်ပါတယ်။ သူက ဟုတ်ကဲ့ခင်ဗျ ၊ ဟုတ်ကဲ့ခင်ဗျတွေဖြစ်လာပြီး။ မနက်ကျရင်လည်း တံတားဖြတ်ခမပေးပါနဲ့ တံတားစောင့်ကျန် ရဲ(၂) ယောက် ကိုလည်း သူပြောထားလိုက်ပါ့မယ်လို့ ကတိတွေပေးသွားသဗျာ။ ငါ…အဲဒီသတ္တ၀ါကို စွတ်ဟောက်ရဲတာလည်း မပြောနဲ့လေကွာ။ ထမင်းဆိုင်ရှင်နဲ့ သူနဲ့ စကားပြောနေတာကို ငါနားစွင့်ထားတာ။ အဲဒီကတည်းက သူက ရဲတပ်ဖွဲ့ထဲရောက်တာ မကြာသေးဘူးဆိုတာ သိလိုက်ရသဟ။ ဒါနဲ့ငါလည်း ညကတည်းက ဂိတ်ကြေး ကြိုတင်လိုချင်တဲ့ကောင်ကို မှတ်လောက်အောင် စွတ်ဟောက်ပစ်လိုက်တာ”ဟု ဇာတ်စုံခင်းပြလေသည်။
ထိုအခါကျမှ သူတို့တဖွဲ့သားလုံး ဟင်းချကာ အရက်ခွက်များကို ကိုင်မြှောက်ရင်း ချီးယားလိုက်ကြလေ၏။

မိုးစင်စင်လင်းသော် ပြူးကျယ်သည် ဆိုင်ကယ် (၈) စီးကို ဦးဆောင်ကာ တံတားကိုဖြတ်လေသည်။

တံတားတဘက်ထိပ်မှ ရဲသုံးဖော်သည် တန်းစီစောင့်ဆိုင်းရင်း ပြူးကျယ်ကို လက်ကလေးတပြပြဖြင့် နှုတ်ဆက်နေရစ်ခဲ့ကြတော့၏။

နိုင်ငံတကာ စောင့်ကြည့်မှုမလိုဟု ရွေးကောက်ပွဲ ကော်မရှင်ဥက္ကဋ္ဌပြော

လာမည့် ရွေးကောက်ပွဲသည် လွတ်လပ်၍ တရားမျှတရန် စီစဉ်ထားသဖြင့် နိုင်ငံတကာ လေ့လာရေး အဖွဲ့များ လာရောက်ရန် လိုအပ်မည် မဟုတ်ဟု ရွေးကောက်ပွဲ ကော်မရှင် ဥက္ကဋ္ဌ က ပြောလိုက်သည်။

ပြီးခဲ့သည့် ဧပြီလ ကုန်ပိုင်းက တောင်ကိုရီးယားနိုင်ငံ ဆိုးလ်မြို့ရှိ မြန်မာ သံရုံးအနီး၌ ဒေါ်အောင်ဆန်းစုကြည် ဓာတ်ပုံများ ကိုင်၍ စစ်အစိုးရကို ဆန္ဒပြနေသူများ(ဓာတ်ပုံ - AP)

မေလ ၉ ရက်နေ့က နေပြည်တော်တွင် အမေရိကန်နိုင်ငံ အရှေ့အာရှနှင့် ပစိဖိတ် ဒေသရေးရာ လက်ထောက် နိုင်ငံခြားရေး ဝန်ကြီး မစ္စတာ ကာ့တ် ကမ်းဘဲလ်နှင့် တွေ့ဆုံရာ၌ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက ထိုသို့ ပြောကြား လိုက်ခြင်း ဖြစ်သည်။

မစ္စတာ ကမ်းဘဲလ်နှင့် အတူလိုက်ပါလာသည့် အမေရိကန်သံရုံး ယာယီတာဝန်ခံ မစ္စတာ လာရီ ဒင်းဂါး (Larry M. Dinger) က လက်ရှိဝန်ကြီးများနှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) ကို ထူထောင်ရာတွင် ဥပဒေနှင့် ညီ မညီ မေးမြန်းရာ ဦးသိန်းစိုးက ဝန်ကြီးများသည် နိုင်ငံ့ဝန်ထမ်း မဟုတ်ဘဲ Political Post (နိုင်ငံရေး ရာထူး) သာ ဖြစ်၍ ဥပဒေနှင့် ညီညွတ်သည်ဟု ပြောဆိုသွားသည်။

ဆန္ဒမဲ မပေးရန် NLD စည်းရုံး

ပြည်နယ်နှင့် တိုင်းတချို့ရှိ အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင်များက လာမည့် ရွေးကောက်ပွဲတွင် မဲဆန္ဒရှင် ပြည်သူများ အနေနှင့် ဆန္ဒမဲမပေးဘဲ နေခွင့်ရှိကြောင်း ဖြန့်ဝေ စည်းရုံးမှုများ ပြုလုပ်နေသည်။

NLD တရားဝင် ပါတီ နောက်ဆုံးရက် မေလ ၆ ရက်နေ့က NLD ရုံးချုပ်ရှိ ရုံးစာရွက်စာတမ်းနှင့် ဖိုင်ထုတ်များပေါ်တွင် ထိုင်နေသည့် အဖွဲ့ဝင် တဦး(ဓာတ်ပုံ - AP)

ယင်းဖြန့်ဝေ စည်းရုံးမှုကို မန္တလေးတိုင်း၊ စစ်ကိုင်း တိုင်း၊ မကွေးတိုင်းနှင့် ကရင် ပြည်နယ် တို့တွင် NLD က ထုတ်ပြန် ထားသည့် ပြည်သူသို့ ပန်ကြားချက်နှင့် အတူ ပြုလုပ်ခြင်း ဖြစ်သည်ဟု NLD အဖွဲ့ဝင်များက ပြောသည်။

ထိုကဲ့သို့ ဖြန့်ဝေခြင်းမှာ ဗဟို၏ တိုက်တွန်း ချက်ကြောင့် မဟုတ်ဘဲ မိမိတို့ဒေသရှိ လူထုအနေဖြင့် အဖွဲ့ချုပ်၏ လုပ်ဆောင် ချက်များကို သိရှိစေရန် ဖြန့်ဝေခြင်း ဖြစ်သည်ဟု NLD မကွေးတိုင်း စည်းရုံးရေး အဖွဲ့ဝင် ဒေါ်ခင်စောဌေးက ပြောသည်။

“ဗဟိုကတော့ ဘာမှ ညွှန်ကြားချက်မပေးဘူး၊ ကျမတို့က နိုင်ငံရေးလုပ်နေတဲ့သူတွေလေ၊ ဒီတော့ ကိုယ့်ဟာကိုယ်ပဲ လုပ်ဆောင် စရာရှိတာ လုပ်ရတာပေါ့၊ မကွေးတိုင်းဘက်မှာဆို လူတွေက မေးကြတယ်၊ အဖွဲ့ချုပ်မရှိတော့ သူတို့ ဘယ်သူ့ကို မဲပေးရမှာလဲတဲ့၊ ဒါ့ကြောင့် ကျမတို့ တိုင်းမှာ ဖြန့်တဲ့ ပန်ကြားချက်မှာတော့ လူတဦးဟာ မဲမပေးဘဲလည်း နေနိုင်တယ်၊ နေခွင့်ရှိတယ် ဆိုတာကိုပါ ရှင်းပြပေးထားတယ်"ဟု ၎င်းက ဆိုသည်။

မိုးမခနဲ့ ဦးဝင်းတင်

Sayargyi u Win Tin and Questions    

ဗကသအလံအား ပါတီအလံအဖြစ် အသုံးပြုမှုအပေါ် အနုပညာရှင်များ ကန့်ကွက်

Bakatha Solidarity

ကမ္ဘာ့အလုပ်သမားနေ့ အန်အယ်လ်ဒီ ကြေညာချက်

NLD MAY DAY ကြောငြာချက်..