စစ်သားကို ဘုန်းကြီးတွေက အသနားခံနေရပြီလား

Doc 1

သံဃာ့တပ်ပေါင်းစု ထုတ်ပြန်ချက်

23-7-2010

သခင်ကိုယ်တော်မှိုင်း ကွယ်လွန်ခြင်း (၄၆) နှစ်ပြည့်

တကယ့်တကယ်
တွန်းလှန်ဖို့အရေးကလဲ
မဝေးတော့ပြီမို့
အရေးကြီးလျှင်ဖြင့်
သွေးစည်းပြီး သွေးနီးရာဆိုသည့်အတိုင်း
ကိုင်း...ထထကြွကြွနှင့်
ဝိုင်းကြပေရော့...

သခင်ကိုယ်တော်မှိုင်း ကွယ်လွန်ခြင်း ၄၆ နှစ်ပြည့် အခမ်းအနားကို စမ်းချောင်းမြို့နယ်ရှိ ကျွန်းတော ဘုန်းကြီးကျောင်းတွင် ကျင်းပခဲ့သည်။

အဆိုပါ အခမ်းအနားသို့ NLD ပါတီဒုဥက္ကဌ ဦးတင်ဦးနှင့် ဗဟိုအလုပ်အမှုဆောင် ဦးဝင်းတင်တို့လည်း တက်ရောက်ခဲ့ကြကာ ၀ါရင့်နိုင်ငံရေးသမားကြီးများ ၊ သတင်းနှင့်စာနယ်ဇင်းသမားများလည်း တက်ရောက်ခဲ့ကြောင်း သိရသည်။

စရဖ နှင့် သတင်းတပ်ဖွဲ့ဝင်များက အခမ်းအနားတက်ရောက်လာသူများအား ဓါတ်ပုံရိုက်ကူးခြင်း ၊ စောင့်ကြည့်ခြင်းများ ပြုလုပ်ခဲ့ကြောင်း အခမ်းအနားသို့ တက်ရောက်ခဲ့သူတဦးက ပြောသည်။

သခင် ကိုယ်တော်မှိုင်း (၁၈၇၆ - ၁၉၆၄)

1. အမည်ရင်း - မောင်လွမ်းမောင်

2. မိဘအမည် - ဦးစံဒွန်း + ဒေါ်အုန်း

3. မွေးသက္ဗရာဇ် - ၁၈၇၆ ခု၊ မတ်လ ၂၃ ရက်၊ မြန်မာ သက္ကရာဇ် ၁၂၃၇ တပေါင်းလပြည့်ကျော် ၁၄ ရက် ကြာသပတေးနေ့

4. မွေးဖွားရာဒေသ - ရွှေတောင်မြို့နယ်၊ ဝါးလယ်ရွာ

5. ကလောင် အမည်ခွဲများ - ရွှေတောင် မောင်လွန်း၊ မစ္စတာ မောင်မှိုင်း၊ ပဏ္ဍိလေး၊ မောင်သမာဓိ၊ မစောညွန့်

6. မွေးချင်း - မွေးချင်း ၅ ယောက်အနက် ဒုတိယမြောက်

ကိုယ်ရေး ဖြစ်စဉ်

၁၈၈၃၊ ခုနှစ်သား အရွယ်တွင် ဦးလေး တော်စပ်သူ ဦးပဉ္စင်း ဦးသီရိနှင့် အတူ မန္တလေးမြို့သို့ လိုက်ပါ လာပြီး မြတောင် ကျောင်းတိုက် မြတောင် ဆရာတော် ဘုရားကြီး၊ ကျီးသဲ လေးထပ် ပထမ ဆရာတော်ကြီး (ပြန်ကြားရေးနှင့် ပြည်သူ့ ဆက်ဆံရေး ဦးစီး ဌာန - ရုံးချုပ်၊ စာတည်း အဖွဲ့က စုဆောင်း ပြုစုတဲ့ နှစ်ဆယ် ရာစု မြန်မာ စာရေး ဆရာ များနှင့် စာစု စာရင်း၊ ပအကြိမ်ထုတ် ၂ဝဝ၃၊ ဧပြီ) ထံတွင် ကိုရင်ဝတ်ဖြင့် ပညာ သင်ယူ ခဲ့သည်။ ရှင်အမည် ပဏ္ဍိတ။

၁၈၈၅ နိုဝင်ဘာ ၂၉ (၁၂၄၇ တန်ဆောင်မုး လဆုတ် ၈ ရက်) တွင် သီပေါ ဘုရင်နှင့် မိဖုရား ပါတော်မူသည့် အနဋ္ဌာရုံ မြင်ကွင်းကို 'စာတော်ဝန် ဦးခဲ' ကျောင်း လက်ရန်း ပေါ်မှ မြင်တွေခဲ့၊ ကြေကွဲ မျက်ရည် ကျခဲ့သည်။ ထိုနေ့မှာပင် စိတ်ပျက်ပြီး သပိတ် တစ်လုံး သင်္ကန်း တစ်ထည်နှင့် စစ်ကိုင်းဘက် တောထွက်ခဲ့သည်။ စစ်ကိုင်း၊ မုံရွာ၊ အလုံ၊ ကြေးမုံ၊ ချောင်းဦး၊ မောင်းထောင်၊ ဘုတလင်၊ ကနီ ဒေသ များသို့ ခြောက်နှစ်ခန့် လှည့်လည် စာသင်ခဲ့သည်။ အဂ္ဂိရတ် ဖိုထိုးခြင်း ဝါသနာ ပါသည်။

၁၈၉၄ မှာ ဖခင် ဦးစံဒွန်း ကွယ်လွန် ခဲ့ပြီး၊ အသက် (၁၉) နှစ် အရွယ်တွင် ရဟန်း ဘဝမှ လူဝတ် လဲခဲ့သည်။ ၁၈၉၇ အသက် ၂၂ အရွယ်မှာ အစိုးရစစ် ၇ တန်း စာမေးပွဲကို မုံရွာမြို့ အလွတ် ပညာ သင်ကျောင်းမှ ရဟန်း အမည် ပဏ္ဍိတဖြင့် ဝင်ရောက် ဖြေဆို အောင်မြင် ခဲ့သည်။

၁၈၉၈ မှာ မော်လမြိုင်သို့ ရောက်ပြီး၊ 'မြန်မာတိုင်း' သတင်းစာတွင် ပဏ္ဍိလေး ကလောင် အမည်ဖြင့် ကဗျာများ၊ စာများ ရေးခဲ့သည်။ ၁၉ဝဝ မှာ ရန်ကုန်သို့ ရောက်လာပြီး ဆူးလေ ဘုရားလမ်းရှိ 'ဇမ္ဗူ ကျက်သရေ စာပုံနှိပ်တိုက်' တွင် စာစီ အဖြစ် ဝင်လုပ်သည်။ ၁၉ဝ၃ ခုမှာ ရန်ကုန် ကြည့်မြင်တိုင် ငါးကြော်ဖိုရပ်နေ ဆန် စပါး ပွဲစား ဦးနု၊ ဒေါ်နှင်း တို့၏ သမီး ဒေါ်ရှင်နှင့် လက်ထပ်သည်။ ဇမ္ဗူ ကျက်သရေ စာပုံနှိပ်တိုက်မှ တဆင့် 'ရန်ကုန်တိုင်း သတင်းစာတိုက်' သို့ ပြောင်းရွှေ့ လုပ်ကိုင်ကာ ဇတ်စာများ ရေးသား ခဲ့သည်။ ၎င်း သတင်းစာ တိုက်မှ တဆင့် မော်လမြိုင်မြို့ 'မြန်မာတိုင်း' သတင်းစာတွင် အယ်ဒီတာ အဖြစ် ဝင်ရောက် လုပ်ကိုင် ပြန်ပြီး၊ ပဏ္ဍိလေး၊ မောင်သမာဓိ ကလောင် အမည်များဖြင့် ဆောင်းပါးများ ရေးသား ခဲ့သည်။ မော်လမြိုင် ရာဇဝင် ဝတ္ထုကို ရွှေတောင် မောင်လွန်း အမည်ဖြင့် ၁၉ဝ၅ ခုနှစ်တွင် စတင် ရေးသား ခဲ့သည်။ ၁၉ဝ၇ တွင် 'မော်လမြိုင် နတ်လမ်းညွှန်' ကို မစောညွန့် ဟူသော ကလောင် အမည်ဖြင့် ရေးသား ခဲ့သည်။

၁၉ဝ၇ ခုမှာ မြန်မာတိုင်း သတင်းစာ ရပ်နား ခဲ့သဖြင့်၊ ဟင်္သာတမြို့ 'အမရဝတီ ပုံနှိပ်တိုက်' သို့ စာပြု၊ စာပြင် အယ်ဒီတာ အဖြစ် ခေတ္တ ဝင်လုပ်ခဲ့ သေးသည်။ ၁၉၁၁ ခု သူရိယ သတင်းစာ စတင် ထုတ်ဝေ သည်နှင့် အယ်ဒီတာ အဖြစ် တာဝန် ယူပြီး၊ ခေါင်းကြီးနှင့် ဘုန်းကြီးပျံ ဒီပနီကို ရေးသား ခဲ့သည်။

နယ်ချဲ့ ဆန့်ကျင်ရေး စိတ်ဓာတ်၊ အမျိုးသား ရေးစိတ်ဓာတ် ပြင်းထန်သော ဆရာကြီးသည် အမည် ရှေ့တွင် မစ္စတာ ထည့်ခေါ်သည်ကို မနှစ်မြို့ ရှုတ်ချ လိုသည်။ ထို့ကြောင့် ၁၉၁၂ တွင် 'သူရိယ သတင်းစာ' တွင် ရက်ခြား ရေးသားသော ကြာဋီကာ ဆောင်းပါးများ မှစ၍၊ မစ္စတာ အမည်တပ် မြန်မာ များကို သိက္ခာ ချသော အားဖြင့် ရာဇဝင်လာ အမည်ဆိုး တခု ဖြစ်သော ဦးကြီး၏ ချဉ်ပေါင် ရွက်သည် မောင်မှိုင်း ဝတ္ထုတွင် လူရှုပ် လူပွေ လူယုတ်မာ အဖြစ် ပါဝင်သော မောင်မှိုင်း၏ အမည် ရှေ့တွင် မစ္စတာ တပ်၍ မိမိ ကလောင် အမည်ကို မစ္စတာ မှိုင်းဟု စတင် သုံးစွဲ ခဲ့သည်။

၁၉၁၄ မှာ ဇနီး ဒေါ်ရှင် ကွယ်လွန်ခဲ့၊ သား သမီး လေးဦး ကျန်ရစ်ခဲ့သည်။

၁၉၁၉ ခု၊ ဇူလိုင်လ ဝိုင်အမ်ဘီအေ အသင်းချုပ်ကြီးက ကြီးမှူး၍ ဦးပု၊ ဦးဘဘေနှင့် ဦးထွန်းရှိန် တို့ကို ဘိလပ်သို့ ကိုယ်စားလှယ် အဖြစ် လွှတ်၍ ဟုမ္မရူး အတွက် အရေး ဆိုခိုင်းသော အခါ 'သြဒိဿ မတ္ထနာ လေးချိုးကြီး' ရေးသားပြီး ကောင်းချီး သြဘာ ပေးခဲ့သည်။

၁၉၂၁ ခုနှစ်တွင် အမျိုးသား ကောလိပ် ပေါ်ပေါက် လာသော အခါ သူရိယ သတင်းစာ အယ်ဒီတာ အဖြစ်မှ နုတ်ထွက်ပြီး၊ အမျိုသား ကောလိပ်၌ မြန်မာစာနှင့် ရာဇဝင် ပါမောက္ခ္ခ အဖြစ် တာဝန် ထမ်းဆောင် ခဲ့သည်။ ထိုနှစ်တွင် ဂျော့ဘုရင် သားကြီး ဝေလ မင်းသားအား ချီးကျူး ဂုဏ်ပြု ရတု ရေးပေးရန် ဦးမေအောက်က ပန်ကြားရာ 'မြန်မာ နိုင်ငံကို ကျွန်ပြုသည့် အင်္ဂလိပ် ဘုရင်မ၏ မြေးကို ချီးကျူးသော စာ မရေးလို' ဟု ပြောကာ ငြင်းပယ် ခဲ့သည်။

၁၉၂၃ 'မြန်မာ့ရီဗျူး' ဂျာနယ်တွင် ဘိုးဘိုးအောင် ကလောင် အမည်ဖြင့် ဆောင်းပါးများ ရေးခဲ့သည်။ ဗဟန်း နေရှင်နယ် ကောလိပ် ပျက်သောအခါ ဒဂုန် မဂ္ဂဇင်းတွင် အယ်ဒီတာ အဖြစ် ဝင်ရောက် လုပ်ကိုင် ခဲ့သည်။ ၁၉၂၇ မှာ 'ဗြိတိသျှ ဘာမား မဂ္ဂဇင်း' နောင် 'ဓူဝံ မဂ္ဂဇင်း' တွင် ကြီးမှူး အုပ်ချုပ်သူ အဖြစ် တာဝန်ယူ ခဲ့သည်။

၁၉၂၈ - ၂၉၊ တောပုန်းကြီး စံဖဲ ကြိုးမိန့် ကျသည့် အမှုတွင် အယူခံ ကိစ္စ ဦးဆောင်၍ ဆောင်ရွက် ပေးခဲ့သည်။ မြင်းခြံထောင်တွင် စံဖဲကို သွားရောက် တွေ့ဆုံ အားပေး ခဲ့သည်။ ၁၉၃ဝ ဆရာစံ ဦးဆောင်သည့် တောင်သူ လယ်သမား အရေးတော်ပုံကြီးတွင် သူရိယ သတင်းစာ၌ 'ဂဠုန်ပျံ ဒီပနီ ဋီကာ' ဆောင်းပါးများ ရေးသား အားပေး ခဲ့သည်။ ၁၉၃၃ မှာ 'နေရှင်နယ်' မဂ္ဂဇင်းတွင် ဝင်ရောက် ကူညီ ဆောင်ရွက် ပေးခဲ့သည်။

၁၉၃၄၊ နိုဝင်ဘာလ ၃ဝ ရက်၊ ၁၂၉၆ ခု တန်ဆာင်မုန်း လဆုတ် ၁ဝ ရက်၊ တက္ကသိုလ် အမျိုးသားနေ့ ကျင်းပသည့် အခမ်းအနားတွင် သဘာပတိ အဖြစ် ဆောင်ရွက် ခဲ့သည်။ 'ဝဍ္ဎကုဇိန သာသနနံ' အမည်ပါ သဘာပတိ မိန့်ခွန်းကို ပြောကြား ခဲ့သည်။

၁၉၃၄ ခုနှစ်၊ တို့ ဗမာ အစည်းအရုံး၏ ပထမ အကြိမ် သခင် ကွန်ဖရင့်ကြီးကို ရေနံချောင်းတွင် ကျင်းပသော အခါ အစည်းအရုံး၏ နာယက အဖြစ် တင်မြှောက်ခြင်းကို လက်ခံ ခဲ့ပြီး၊ ထိုမှစ၍ မစ္စတာ မောင်မှိုင်း အမည်မှ သခင် ကိုယ်တော်မှိုင်း အမည်သို့ ခေါ်တွင် စေရန် ကြေညာ ခဲ့သည်။

၁၉၃၅၊ ဒီဇင်ဘာလထုတ် 'ဟံသာ မဂ္ဂဇင်း' တွင် ပါသော ဆောင်းပါးများကို သခင် ကိုယ်တော်မှိုင်း၏ ဆရာလွန်း ဟူ၍ လည်းကောင်း၊ ဆရာလွန်း၏ သခင် ကိုယ်တော်မှိုင်း ဟူ၍ လည်းကောင်း လက်မှတ် ရေးထိုး ခဲ့သည်။

၁၉၃၆၊ ဇွန်လ (၁၂၉၈ နယုန် - ဝါဆို) မြင်းခြံ၊ ကိုးဆောင် ကျောင်းတိုက်ကြီး အတွင်း၌ ကျင်းပသော တို့ ဗမာ အစည်းအရုံး၏ ဒုတိယ အကြိမ် ညီလာခံသို့ တက်ရောက် ခဲ့သည်။

၁၉၃၈၊ ဧပြီလ ၂၂ ရက်တွင် ပုသိမ်တွင် တရား ဟောရာ၌ 'လွတ်လပ်ရေးကို လက်ဝါးဖြင့် တောင်းနေရုံနှင့် မရနိုင်၊ သူပုန် ထရမည်' ဟု ဟောပြော ခဲ့သည်။

၁၉၃၉၊ ဇန်နဝါရီလ ၁၄ ရက်၌ ကျင်းပသော လူထု အစည်းအဝေးကြီးတွင် အရှင်းရှင် စနစ်ကို ရူံ့ချ ခဲ့သည်။ ဧပြီ ၆ - ၉ ရက်တွင် သခင် သိန်းမောင် အဖွဲ့မှ ဦးစီး ကျင်းပသည့် တို့ဗမာ အစည်းအရုံး၏ စတုတ္ထ အကြိမ် ညီလာခံ ကျင်းပရာ မော်လမြိုင်သို့ တက်ရောက် ခဲ့သည်။ ဇွန်လ ၂၂ ရက်၊ ပုသိမ်တွင် ကျင်းပသော အစည်းအဝေး တစ်ခုတွင် 'ဗြိတိသျှ အစိုးရ ဒဏ်ချက်ကြောင့် မြန်မာတို့ ဆင်းရဲနွမ်းပါး ငတ်မွတ် ခေါင်းပါး ဖြစ်ရသည်' ဟု တရား ဟောခဲ့သည်။ ဇွန်လ ၂၇ ရက်၊ ငါးသိုင်းချောင်းသို့ အသွား ပုသိမ် ဘူတာ၌ ဆရာကြီးအား ဆိုက်ကား သမား မောင်သန်းစိန် ဆိုသူက တုတ်ဖြင့် ရိုက်ခဲ့သည်။ ဇွန်လ ၂၈ ရက် ပုသိမ် ခရိုင် ရာဇဝတ် တရားသူကြီးက ဆရာကြီးအား နှစ်လ တရား ဟောခြင်း မပြုရန် တားမြစ် ခဲ့သည်။ ဒီဇင်ဘာလ ၄ ရက်၊ ကြည့်မြင်တိုင်၌ ကျင်းပသော လူထု အစည်းအဝေးကြီးတွင် 'ဆိုရှယ်လစ် ဝါဒသည် ဗုဒ္ဓ တရားတော်နှင့် ညီညွတ်သည်' ဟု ဟောပြော ခဲ့သည်။

၁၉၄ဝ၊ ဇန်နဝါရီ ၁၃ - ၁၄ တွင် ကျင်းပသော မြန်မာ နိုင်ငံလုံး ဆိုင်ရာ တောင်သူ လယ်သမား အစည်းအရုံး ဒုတိယ နှစ်လည် ညီလာခံတွင် 'ဗြိတိသျှ နယ်ချဲ့ စနစ်ကို တွန်းလှန်၍ ဆိုရှယ်လစ် စနစ်' တည်ဆောက်ရန် တိုက်တွန်း ခဲ့သည်။

၁၉၄၁၊ ဇန်နဝါရီ ၁ ရက်နေ့မှာ နိုင်ငံရေး လှုပ်ရှားမှု၊ နယ်ချဲ့ ဆန့်ကျင်ရေး လုပ်ဆောင်မှု ကျယ်ပြန့် လာသောကြောင့် ဗြိတိသျှ အစိုးရ၏ ရန်သူတော် နံပါတ် (၁) အဖြစ် ကြေညာခြင်း ခံခဲ့ ရသည်။ မန္တလေးနှင့် ပဲခူး ညီလာခံသို့ တက်ရောက် ခဲ့သည်။

၁၉၄၁ - ၄၂၊ ခုနှစ်တွင် ဗြိတိသျှ အစိုးရကို တော်လှန်သည့် မြေအောက် တော်လှန်ရေး လုပ်ခဲ့သည်။ ၁၉၄၃၊ ဂျပန်ခေတ်တွင် ရွှေတောင်ကြား လမ်း၌ တပည့်များနှင့် အတူနေပြီး၊ ဂိုဏ်းပေါင်းစုံ သံဃာတော်များ ညီညွတ်ရေး အတွက် သာသနာ့ အစည်းအရုံးကြီး ဖွဲ့စည်းပြီး နှစ်နှစ်ကြာမျှ ကြိုးပမ်း ဆောင်ရွက် ခဲ့သည်။

၁၉၄၄ - ၄၅၊ ခုနှစ်တွင် ဂျပန် ဆန့်ကျင်ရေး သမား အဖြစ် ဂျပန်တို့ လိုက်လံ ဖမ်းဆီး သဖြင့် ထိန်ကုန်းရွာသို့ တိမ်းရှောင် ခဲ့ရသည်။ ဒုတိယ ကမ္ဘာစစ် ကြီးပြီးသော အခါ ရန်ကုန်မြို့သို့ ပြန်လာပြီး၊ တို့ ဗမာ အစည်းအရုံး ဌာနချုပ် ပြန်လည် ဖွင့်လှစ်သည့် အခါ ဥက္ကဌ အဖြစ် တင်မြှောက်ခြင်း ခံရသည်။

၁၉၄၈ ခု၊ စက်တင်ဘာလ ၁၉ ရက်၊ ရွှေတိဂုံ စေတီတော် တောင်ဘက်စောင်းတန်း၌ ပြုလုပ်သော (၁၉) ကြိမ်မြောက် ဦးဝိစာရနေ့တွင် နိုင်ငံတော် အေးချမ်း သာယာရေး အဖွဲ့ကို ဖွဲ့စည်းပြီး၊ ပြည်တွင်း ငြိမ်းချမ်းရေးကို စတင် ဆောင်ရွက် ခဲ့သည်။

၁၉၅ဝ ဇန်နဝါရီ၊ လွတ်လပ်ရေးနေ့ နှစ်ပတ်လည်တွင် 'အလင်္ကာ ကျော်စွာဘွဲ့' ကို အစိုးရမှ ချီးမြှင့် ခဲ့သည်။

၁၉၅၂ ခုနှစ်တွင် ကမႝာ့ ငြိမ်းချမ်းရေးကို စတင် ဆောင်ရွက်သည်။ ပီကင်း၌ ကျင်းပသော အာရှနှင့် ပစိဖိတ် ဒေသ နိုင်ငံများ၏ ငြိမ်းချမ်းရေး ကွန်ဖရင့်သို့ တက်ရောက်သည်။ မေလ ၁ဝ - ၁၄ ရက်နေ့ထိ ဂျူဗလီဟောတွင် ကျင်းပသော ကမ္ဘာ့ ငြိမ်းချမ်းရေး ကွန်ဂရက် (ဗမာနိုင်ငံ) က ဆရာကြီးအား ဥက္ကဋ္ဌ အဖြစ် တင်မြှောက် ခဲ့သည်။

၁၉၅၃ တွင် တရုတ်ပြည် မွန်ဂိုလီးယား၊ ဟန်ဂေရီ၊ ဆိုဗီယက် ယူနီယံသို့ ခရီး လှည့်သည်။

၁၉၅၄၊ ဒီဇင်ဘာ ၂ဝ ရက် မော်စကိုတွင် ကျင်းပသည့် ကမ္ဘာ့ စတာလင်ဆု ရွေးချယ် ပေးအပ်ရေး အဖွဲ့ကြီးက ဆရာကြီးအား ၁၉၄၅ ခုနှစ် အတွက် 'ငြိမ်းချမ်းရေး စတာလင်ဆု' အပ်နှင်းရန် ဆုံးဖြတ် ခဲ့သည်။ ၁၉၅၅ မတ်လ ၂၂ ရက်၊ ဗုဒ္ဓဟူးနေ့ ညနေ ၅ နာရီခွဲ အချိန်တွင် မြို့တော် ခန်းမ ရှေ့၌ ငြိမ်းချမ်းရေး စတာလင်ဆု ပေးအပ်ပွဲ ကျင်းပပြီး၊ အပြည်ပြည် ဆိုင်ရာ စတာလင် ငြိမ်းချမ်းရေး ဆုပေးရေး ကော်မတီ ဥက္ကဌ မစ္စတာ နီကိုလေ တီခိုနော့ (ဗ်) က ဆရာကြီးအား ငြိမ်းချမ်းရေး ဆုလက်မှတ်နှင့် ဆုရွှေတံဆိပ် အပ်နှင်း ခဲ့သည်။ ငြိမ်းချမ်းရေး ဆုတံဆိပ်နှင့် အတူ ငွေသား ရူဘဲလ်ငွေ တသိန်း (အဲဒီအချိန်က ပေါက်ဈေး အရ မြန်မာငွေ တသိန်း နှစ်သောင်း ငါးထောင်ခန့်) ရရှိသည်။ မတ်လ ၂၄ ရက်နေ့မှာ နိုင်ငံတော် သမ္မတကြီးက တီခိုနော့ (ဗ်)နှင့် ဆရာကြီး တို့ကို ဂုဏ်ပြု ဧည့်ခံပွဲ တရပ် ကျင်းပ ပေးခဲ့သည်။

၁၉၅၅ ဒီဇင်ဘာ ၁၅ ရက်နေ့တွင် ရန်ကုန် ထောင်ကြီး အတွင်း ကျင်းပသည့် စာဆိုတော်နေ့ အခမ်းအနားသို့ တက်ရောက် အကန်တော့ ခံသည်။ ဒီဇင်ဘာ ၁၆ ရက်နေ့တွင် နိုင်ငံတော် သမ္မတ အိမ်တော်တွင် ကျင်းပသည့် ထမင်းစားပွဲတွင် ဗမာနိုင်ငံ ငြိမ်းချမ်းရေး ကွန်ဂရက် ဥက္ကဌ အနေဖြင့် ဆိုဗီယက် ဝန်ကြီးချုပ် ဘူဂနင်နှင့် ကွန်မြူနစ် ပါတီ ပထမ အတွင်းရေးမှူး ကရုရှက် တို့ကို ငြိမ်းချမ်းရေး လက်ဆောင်များ ပေးအပ် ခဲ့သည်။

၁၉၅၆ ခုနှစ်တွင် မြန်မာနိုင်ငံ အရပ်ရပ်သို့ လှည့်လည်ပြီး ပြည်တွင်း ငြိမ်းချမ်းရေးနှင့် ကမ္ဘာ့ ငြိမ်းချမ်းရေး များကို ဟောပြော ခဲ့သည်။ ဖေဖော်ဝါရီ ၂၈ ရက်နေ့မှ စ၍ ၃ ရက်တိုင် ကျင်းပသည့် မိုးညှင်းမြို့တွင် ကမ္ဘာ့ ငြိမ်းချမ်းရေး ကွန်ဂရက် (ဗမာနိုင်ငံ) ၏ ကချင်ပြည်နယ် ညီလာခံ တက်ရောက် ခဲ့သည်။ မတ် ၃ဝ ရက် အိမ်တော်ရာ (၁၄) စခန်း စရပ်ကြီး၌ မန္ဈလေး လေးပြင်လေးရပ် ဆရာတော် ၁၄၃ ပါးကို ပြည်တွင်း ငြိမ်းချမ်းရေး ပန်ကြားလွှာ တစောင် တင်ဆက် လျှောက်ထားပြီး သြဝါဒ ခံယူ ခဲ့သည်။

၁၉၅၇ တွင် သီဟိုဠ်နှင့် အိန္ဒိယသို့ ကမ္ဘာ့ ငြိမ်းချမ်းရေး ကွန်ဖရင့် အတွက် သွားရောက် ခဲ့သည်။

၁၉၆ဝ သြဂုတ်လ ၁ဝ ရက်တွင် အရှေ့ဂျာမနီ ဟမ်းဘတ် တက္ကသိုလ်က ဆရာကြီးအား ဂုဏ်ထူးဆောင် ပညာ ပါရဂူ (ဒေါက်တာဘွဲ့) အပ်နှင်း ဂုဏ်ပြု ခဲ့သည်။ ဂျာမနီသို့ ဆေးကု သွားခဲ့သည်။

၁၉၆၂ ခုနှစ်မှ စ၍ ပြည်ထောင်စု မြန်မာနိုင်ငံ စာရေးဆရာ သမဂ္ဂ၏ နာယကကြီး အဖြစ် ဆောင်ရွက် ခဲ့သည်။

၁၉၆၃ သြဂုတ်လ ၆ ရက်၊ ညနေ ၄ နာရီမှာ မြို့တော် ခန်းမတွင် ကျင်းခသည့် ဟီရိုရှီးမားနေ့ အခမ်းအနားသို့ ငြိမ်းချမ်းရေး ကွန်ဂရက် ဥက္ကဌ အနေဖြင့် သဝဏ်လွှာ ပေးပို့ ခဲ့သည်။

ပြည်သူ့ သမိုင်း အလျဉ်တွင် ပါဝင် ခဲ့သော နယ်ချဲ့ ဆန့်ကျင်ရေး ခေါင်းဆောင်ကြီး၊ စာပေ ဖခင်ကြီး သခင် ကိုယ်တော်မှိုင်းသည် ပြည်တွင်း ငြိမ်းချမ်းရေး အတွက် ကြိုးပမ်း ဆောင်ရွက် ရင်းဖြင့် ၁၉၆၄ ခုနှစ် ဇူလိုင်လ ၂၃ ရက်၊ ကြာသပတေးနေ့ နံနက် ၁ နာရီခွဲတွင် လူကြီး ရောဂါဖြင့် ကွယ်လွန် ခဲ့သည်။ ဆရာကြီး၏ ဈာပနအတွက် အာဏာသိမ်း နေဝင်း စစ်အုပ်စုက ပထမ ကျပ်ငွေ တစ်သောင်း၊ နောက်ထပ် ကျပ်ငွေ ၅ ထောင်၊ စုစုပေါင်း ကျပ်ငွေ တသောင်းခွဲ ကူညီခဲ့သည်။ သတင်းစာ တိုက်များက နေ၍ ဆရာကြီး သခင် ကိုယ်တော်မှိုင်း ဈာပန ရံပုံငွေ ဖွင့်ခဲ့သည်။ ဇူလိုင်လ ၂၉ ရက်၊ ညနေ ၅ နာရီတွင် ဆရာကြီး၏ ရုပ်ကလာပ်ကို စမ်းချောင်း ချမ်းသာလမ်း နေအိမ်မှ နေ၍ စမ်းချောင်း ပဒုမ္မာ ကွင်းရှိ အာဏာသိမ်း စစ်အုပ်စု ဆောက်ပေးသည့် မဏ္ဍပ်သို့ ရွှေ့ပြောင်း ခဲ့သည်။ သြဂုတ်လ ၈ ရက်၊ နေ့လည် ၂ နာရီ အချိန်မှာ ဆရာကြီး ရုပ်ကလာပ်ကို စမ်းချောင်း မဏ္ဍပ်မှ ရွှေတိဂုံ ဘုရားလမ်းရှိ ကန်တော်မင် ပန်းခြံသို့ ပို့ဆောင် ဂူသွင်း ခဲ့သည်။

ဆရာကြီး ကွယ်လွန်ချိန်တွင် သားသမီး နှစ်ယောက်၊ မြေး ၁၅ ယောက်၊ မြစ် ၆၁ ယောက် ကျန်ရစ်ခဲ့သည်။

ရွှေတိဂုံ အရှေ့ဘက်မုခ် ကျောင်းတိုက်တချို့ ဖယ်ပေးရမည်

ခင်ဦးသာ Wednesday, July 21, 2010

ရန်ကုန်မြို့ ရွှေတိဂုံ စေတီတော် အရှေ့ဘက်မုခ်ရှိ ကျောင်းတိုက် တချို့တွင် သီတင်းသုံး နေကြသော ရဟန်း သံဃာတော်များကို ဇူလိုင်လ ၂၅ ရက်နေ့ နောက်ဆုံး ထား၍ ကျောင်းတိုက်များမှ ဖယ်ရှား ပေးရန် အာဏာပိုင်များက ညွှန်ကြားထားကြောင်း စုံစမ်းသိရှိရသည်။

ဖယ်ရှားရမည့် ကျောင်းများမှာ ရွှေင်္ဟသာ ပိဋကတ် ကျောင်းတိုက်၊ ညောင်တုန်း ပိဋကတ် ကျောင်းတိုက်၊ ဒေါ်လှဆင် ပိဋကတ် ကျောင်းတိုက် စသည့် ကျောင်းတိုက်များနှင့် အနီးရှိ လူနေတိုက်တာ အဆောက်အုံ တချို့တို့ ဖြစ်ကြောင်း အဆိုပါ ရပ်ကွက်တွင် နေထိုင်သူ တဦးက ပြောသည်။

အဆောက် အအုံများမှာ ဟောင်းနွမ်းနေ၍ ပြင်ဆင်ရန် ဖယ်ရှားပေး ရမည် ဖြစ်ကြောင်း၊ သတ်မှတ် ရက်တွင် ဖယ်ရှား မပေးပါက ရွှေတိဂုံ စေတီတော် ဂေါပက စည်းမျဉ်းအရ လည်းကောင်း၊ တည်ဆဲ ဥပဒေအရ လည်းကောင်း အရေးယူ သွားမည်ဟု ဇူလိုင် လဆန်းပိုင်းတွင် ပေးပို့သည့် ညွှန်ကြားစာ၌ ဖော်ပြထားသည်ဟု ဆရာတော် တပါးက မိန့်ကြားသည်။

ရပ်ကွက်သား တဦးက “ဘုန်းကြီးကျောင်းမှာ သီတင်းသုံး နေကြတဲ့ ဘုန်းကြီးတွေ အကုန်လုံးကို အမြန်ဆုံး ဖယ်ရှားပေးဖို့ရယ်၊ ကျနော်တို့ ရပ်ကွက်က လူနေတဲ့တိုက်က လူတွေလည်း ဆင်းပေးဖို့ လာပြောထားတယ်။ လူတွေက ကြိုက်တဲ့ အချိန် ပြောင်းလို့ ရပေမယ့် ဘုန်းကြီးတွေက ၀ါတွင်းဆိုတော့ ပိုပြီး အခက်တွေ့နေကြတယ်”ဟု ဧရာဝတီသို့ ပြောသည်။

အဆိုပါ ကျောင်းတိုက်များတွင် ကျောင်းထိုင်ဆရာတော်များ အပါအ၀င် သံဃာတော် ၁၀ ပါး ၀န်းကျင်စီနှင့် သာမဏေများ သီတင်းသုံးနေသည့်အပြင် တပည့်ဒါယကာများလည်း နေထိုင်ကြကြောင်း၊ သံဃာများ သီတင်းသုံးလာသည်မှာ နှစ်ပေါင်း ၆၀ ခန့် ရှိပြီဖြစ်ကြောင်း ကျောင်းထိုင် ဆရာတော် တပါးက မိန့်ကြားသည်။

“ဘုန်းဘုန်း ဒီကျောင်းမှာ သီတင်းသုံးလာတာ နှစ်ပေါင်း ၆၀ ရှိပြီ။ ဟောင်းနေပြီဆိုပေမယ့် နှစ်ပေါင်း ၇၀၊ ၈၀ လောက် ကောင်းကောင်း နေလို့ရသေးတယ်။ ပျက်စီးယိုယွင်းနေတာ ဘာမှမရှိသေးဘူး။ လတ်တလောကြီး ဖယ်ရှားခိုင်းတာဆိုတော့ အကုန် ဒုက္ခတွေ့နေကြတယ်”ဟု အဆိုပါ ဆရာတော်က ဆက်လက်မိန့်ကြားသည်။

ရွှေတိဂုံဘုရားဝန်းကျင်ရှိ အဆောက်အအုံအများစုမှာ နှစ်ပေါင်းရာချီနေပြီ ဖြစ်သော်လည်း ပြုပြင်ရန် လိုအပ်ပါက ပြုပြင် ၍ နေထိုင်ကြကြောင်း၊ ဖယ်ရှားပေးရခြင်းမျိုး မရှိခဲ့ဘူးကြောင်း၊ လူနေအိမ်များကိုသာ ဖယ်ရှားမှုမျိုး ရှိခဲ့ကြောင်း ဗဟန်း ၂ လမ်း ရပ်ကွက်သား တဦးက ပြောသည်။

ယခု ဖယ်ရှားခိုင်းသည် ပိဋကတ်ကျောင်းတိုက်များမှာ မြန်မာ သက္ကရာဇ် ၁၂၉၅ ခုနှစ် ၀န်းကျင်က ဆောက်လုပ်ထားခြင်း ဖြစ်ကြောင်း သိရသည်။

“ဇွန်လတုန်းကလည်း တခါလာပြီး ဖယ်ရှားခိုင်းသေးတယ်။ အဲဒီတုန်းကပြောတာ ပိုဆိုးတယ်။ ဒီတခါတော့ ဖယ်ရှားပေးမယ် ဆိုရင် ပိုက်ဆံ သိန်း ၃၀ ကျပ် ပေးမယ်ပြောတယ်။ ဘုန်းဘုန်းတို့က ငွေမလိုဘူး၊ သီတင်းသုံးဖို့ နေရာရရင် တော်ပြီ”ဟု ကျောင်းထိုင် ဆရာတော်တပါးက မိန့်ကြားသည်။

ရဟန်းသံဃာများအား နောက်ဆုံးဖယ်ရှားခိုင်းသည့်ရက်မှာ ၀ါဆိုကာလ မတိုင်မီ နောက်ဆုံးရက်ဖြစ်နေ၍ ပိုမိုအခက် တွေ့နိုင်ကြောင်း၊ အာဏာပိုင်များက သီတင်းသုံးမည့်နေရာ စီစဉ်မပေးဘဲ မိမိတို့သွားလိုရာ သွားနိုင်သည်ဟု ပြောကြောင်း ရွှေ့ပေးရမည့် ကျောင်းတိုက်တခုမှ ကပ္ပိယတဦးက ပြောသည်။

ထိုကျောင်းတိုက်များမှ မပြောင်းရွှေ့ရရေး အတွက် သက်ဆိုင်ရာ မြို့နယ် သံဃနာယက အဖွဲ့၊ နိုင်ငံတော် သံဃ မဟာ နာယက အဖွဲ့၊ တိုင်း အေးချမ်းသာယာရေးနှင့် ဖွံ့ဖြိုးရေးကောင်စီ တို့သို့ တောင်းဆို တင်ပြခဲ့သော်လည်း ထူးခြားမှု မရှိကြောင်း ဆရာတော်တပါးက မိန့်ကြားသည်။

အဆိုပါ ကျောင်းတိုက်များနှင့် အနီးတ၀ိုက်ကို အာဏာပိုင်များက ရယူလိုခြင်းမှာ သီရိလင်္ကာနိုင်ငံသို့ ရောင်းချရန် စီစဉ်နေခြင်း ကြောင့်ဖြစ်ကြောင်း၊ ကျောင်းတိုက် တခု၏ တန်ဖိုးမှာ ကာလပေါက်ဈေး အနည်းဆုံး ကျပ်သိန်း ၃ ထောင်ဝန်းကျင် ရှိကြောင်း စုံစမ်း သိရှိရသည်။

ရန်ကုန်မြို့တော် စည်ပင်သာယာရေး နယ်နိမိတ်တွင် အန္တရာယ်ရှိ အဆောက်အအုံအဖြစ် သတ်မှတ်မည်ဆိုပါက “ဤအဆောက်အအုံသည် အန္တရာယ်ရှိ အဆောက်အအုံဖြစ်၍ နေထိုင်ရန်မသင့်” ဟု ဆိုင်းဘုတ်တင်လေ့ ရှိသော်လည်း ယခု ဖယ်ရှားခိုင်းသည့် အဆောက်အအုံများတွင် ယင်းသို့ကြောညာ အသိပေးထားခြင်း မရှိကြောင်း သိရသည်။

ကြိုး

အခန်း ၁။
“သားကြီးရေ……. အောင်အောင်
အောင်အောင်ရေ ………….”

တကျော်ကျော်ခေါ်နေတဲ့ မေမေရဲ့ အသံကိုလစ်လျှူရှု့ပြီး ထုံးစံအတိုင်း ကျွန်တော် ကစားမြဲကစားနေခဲ့တာပါ။ ခဏနေတော့မေမေအသံပျောက်သွားပါသည်။ ကျွန်တော်သိတယ် မေမေ သူ့သမီးကို စိတ်မချလို့ပြန်လာကြည့်တာ။ အလုပ်ကနေ ပြန်လာပြီး သူ့သမီးကို ထမင်းလာကျွေးတာ။

ကျွန်တော်တို့မိသားစုမှာ မေမေရယ်၊ ၇-နှစ်အရွယ်ကျွန်တော်ရယ်၊ ၃-နှစ်အရွယ်ညီမလေးရယ် ၃-ဦးရှိပါတယ်။ ဖေဖေက ညီမလေးငယ်ငယ်က ငါးဖမ်းသွားရင်းပြန်မလာတော့တာ ဒီနေ့ထိပါပဲ။ သေပြီလို့တော့ ပြောကြတာပဲ။ ဒါပေမယ့် ကျွန်တော်မယုံပါဘူး။ တနေ့ ဖေဖေပြန်လာမှာပါ။ ကျွန်တော်နဲ့အတူ ဖေဖေဆော့အုံးမှာပါ။ ကျွန်တော်နှင့် အတူ ဗီဒီယိုရုံသွားပြီး ကျွန်တော် ကြိုက်တဲ သီဟတင်စိုးကားတွေ အတူကြည့်အုံးမှာပါ။ ကျွန်တော်ခေါင်းက ဆံပင်တွေဖွပြီး သားကြီးစာကျြိးသားနော်။ ပညာတတ်ကြီးဖြစ်ရင် ဖေဖေတို့လို ပင်ပင်ပန်းပန်းမလုပ်စားရဘူး၊ လိမ်လိမ်မာမာနေနော်။ လိမ်မာမှ ဖေဖေကချစ်တာ ဟုပြောတဲ့ စကားတွေကို ကျွန်တော်အားလုံး နားမလည်ပေမယ့် ဖေဖေဆီက အချစ်တွေရဖို့ ဖေဖေစကားအားလုံး ကျွန်တော်နားထောင်ပါမည်။ ပြန်လာခဲ့ပါဖေဖေရယ် မေမေက သားကိုမချစ်ဘူး။ သူ့သမီးပဲချစ်တာ။

**************************
ကျွန်တော် ညီမလေးကိုမုန်းပါသည်။ သူ့ကြောင့် ကျွန်တော်အမြဲအရိုက်ခံထိပါသည်။ မေမေရဲ့ အဆူခံရပါသည်။ ဖေဖေ မရှိတဲ့ နောက်မှာ မေမေ ငါးရွေးတဲ့ အလုပ်ကိုလုပ်ပါသည်။ မနက်အလုပ်မသွားခင် ကျွန်တော်တို့မောင်နှမအတွက် ထမင်းချက်ခဲ့ပြီး ညီမလေးကို နေ့လည်စာကျွေးဖို့ အမြဲမှာပါသည်။ ကျွန်တော်အမြဲပျက်ကွက်ပါသည်။ အဲဒီအတွက် ကျွန်တော်အရိုက်ခံထိပါသည်။ သူ့မှာလဲ လက်ပါတာပဲ သူ့ဘာသာသူခူးစားမှာပေါ့ ဟု ကျွန်တော်ဆင်ခြေပေးတတ်ပါသည်။ ဟုတ်တယ်လေ ကျွန်တော်လဲ ကိုယ့်ဘာသာကိုယ်ခူးစားတာပဲဟာ။ တခါတရံတော့ မေမေက မရိုက်ပဲ ကျွန်တော်နားမလည်သော စကားတွေပြောပြောပြီး ငိုပါသည်။
သားကြီးရယ် သားကအကြီး။ ညီမလေးကို သားမှဂရုမစိုက်ရင်ဘယ်သူက ဂရုစိုက်မှာလဲ။ သား ညီမလေးအရွယ်တုန်းက မေမေရော၊ ဖေဖေရော ဂရုစိုက်ကြတယ်လေ။ ညီမလေးကြတော့ သားနဲ့ မေမေက ဂရုစိုက်ရမှာလေ။ သူကိုယ်တိုင်မှ မလုပ်တတ်သေးတာ။ အခု မေမေကအလုပ်သွားတော့ ညီမလေးကို ဂရုစိုက်မဲ့ သူက သားပဲရှိတာလေ။ သားကြီးက လိမ္မာပါတယ်ဟု ပြောလျှင် ညီမလေးကို သနားနေတတ်ပါသည်။ ဖေဖေကော မေမေလို ညီမလေးကိုချစ်မှာပဲလား။ ဟင့်အင်း မချစ်ရဘူး။ ဖေဖေ သားကိုပဲချစ်ပါ။
**************************
ကျွန်တော် ညီမလေးကို အလွန်မုန်းပါသည်။ မေမေ့ကိုလဲ မုန်းပါသည်။ ဒီနေ့ မေမေကျွန်တော်ကို စိတ်ဆိုးဆိုးနှင့်ရိုက်ပါသည်။ အောင်အောင် နင်အတော်အသုံးမကျတဲ့အကောင်။ အကြီးဖြစ်ပြီး ဘာတခုမှ အားမကိုးရဘူး။ အိမ်လဲစိတ်မချရ၊ အငယ်မလဲ ဂရုမစိုက်။ ငါ့မှာ နင်တို့စားဖို့ ရှာရတာတဘက်၊ နင်အသုံးမကျလို့ ပြောရတာ တဘက်။ ငါသေတာသေချင်လိုက်တာ။ နင့်အဖေအစား ငါပဲသေချင်တယ် ငအောင်ရဲ့ ဟုပြောရင်း၊ ငိုရင်းရိုက်ပါသည်။
ဒီနေ့ မေမေပြန်လာတော့ ညီမလေးနဖူးတွင် ဖူးရောင်နေတာ တွေ့တော့ ထုံးစံအတိုင်း အားလုံးကျွန်တော်ကို အပြစ်ဖို့ပါသည်။ ညီမလေး ချော်လဲတာလား၊ တခုခုနဲ့ တိုက်မိတာလား ကျွန်တော်မသိပါ။ သူ့နဖူးမှာ ညိုမဲ ဖူးရောင်နေတာတွေ့ တော့ကျွန်တော် သနားသလိုလိုရှိတုန်း မေမေက ဒုတ်ဆွဲပြီး နင်ဂရုမစိုက်လို့၊ နင်အသုံးမကျလို့ ဟုပြောရင်း ငိုရင်းရိုက်ပါသည်။ ကျွန်တော် ခြေသလုံးမှာ အရှိုးရာတွေထင်သည်ဟု ထင်ပါသည်။ ကျွန်တော် နာပါသည်။ အသားသာမက နှလုံးသားထဲကထိနာပါသည်။ နေနှင့်အုံးပေါ့။ မနက်ဖြန် မေမေအလုပ်သွားမှ နင်သိမယ် ဟု စိတ်ထဲမှ ညီမလေးကို ကျိန်းဝါးနေမိပါသည်။
**************************

ညအိပ်ခါနီးတော့ မေမေ ကျွန်တော် ခြေသလုံးကို ပရုတ်ဆီလာလိမ်းပေးပါသည်။ သားကြီးရယ် လိမ္မာပါနော်။ ငါ့သားကြီးက လိမ္မာပါတယ်။ ညီမလေးက ခလေးပဲရှိသေးတာ။ မေမေတို့ သားအမိ ၃-ယောက်ထဲရှိတာ ချစ်ချစ်ခင်ခင်နဲ့ တယောက်ကိုတယောက် ဂရုတစိုက်နေရမှာပေါ့။ မေမေမရှိတဲ့ အချိန်မှာ သားကညီမလေးကို ပိုပြီးဂရုစိုက်ရမှာ။ အဲဒါဆို မေမေကို ချစ်ရာလဲရောက်တယ်။ ကူညီရာလဲရောက်တယ်သိလား။ နောက်သားဖေဖေကိုလဲ ချစ်ရာရောက်တယ်။ ကြည့်စမ်း ညီမလေးဘယ်လောက် သနားဖို့ ကောင်းသလဲ။ သူ့ခမျှာ နာပေမယ့် နာတယ်ပဲပြောတတ်တယ်။ ဘယ်လို အနာသက်သာအောင်လုပ်ရမလဲ မသိသေးဘူး။ သားက စောင့်ရှောက်မှပေါ့။ မေမေ စိတ်ချပါရစေ သားကြီးရယ်နော်။ မေမေမှာ ချစ်စရာတိုလို့ ဒီသားကြီးနဲ့ ဒီသမီးလေး နှစ်ယောက်ပဲရှိတာ။ ကဲအိပ်တော့ မေမေကိုချစ်ရင် ညီမလေးကိုလဲ ချစ်နော်။
**************************
သားကြီးထထ။ ထစမ်းမြန်မြန်။ သမီးမငိုနဲ့ သိပ်နော်။ မေမေအတင်းဆွဲထူနှိးလို့ နှိးလာတဲ့ ကျွန်တော်ကို လက်ဆွဲ၊ ညီမလေးကို ချီရင်း အိမ်ခေါင်းရင်းက သစ်ပင်ပေါ်တင်ပေးနေတဲ့ မေမေကိုတလှည့်၊ အော်ဟစ်နေကြတဲ့ အိမ်နီးနားချင်းတွေတလှည့်၊ တရိပ်ရိပ်တက်လာတဲ့ ရေပြင်ကြီးကို တလှည့်ကြီးရင်း ကျွန်တော်ကြောက်လန့်တကြား အော်ငိုနေမိပါတယ်။ သားကြီးမငိုနဲ့ နော် သားကငိုရင်ညီမလေးက ပိုဆိုးမှာပေ့ါ။ ညီမလေးကိုမြဲမြဲကိုင်ထားနော်။ မေမေ အိမ်ထဲပိုက်ဆံသွားယူလိုက်အုံးမယ်။ မေမေသွားနဲ့ သွားနဲ့ မီးမီးကြောက်တယ်လို့ အော်ငိုနေတဲ့ညီမလေး ကို ကျွန်တော် ပထမဦးဆုံးချော့လိုက်ပါတယ်။ ညီမလေး ငိုနဲ့နော် ကိုကိုရှိတယ်။ သစ်ပင်ကိုဖက်ထား။
**************************
အခန်း ၂။

ကျွန်တော်နှိးလို့ မျက်လုံးဖွင့်ကြည့်လိုက်တော့ ကျွန်တော်ဘေးမှာမေမေနဲ့ ညီမလေး ရှိမနေပါ။ ကျွန်တော်လဲ အိမ်မှာ မဟုတ်ပဲ ချုံပုတ်တခုပေါ်ရောက်နေပါသည်။ ဘာဖြစ်တာလဲ ဘာတွေဖြစ်ကုန်တာလဲ၊ ကျွန်တော်နားမလည်ပါ။ မေမေရော ဘယ်မှာလဲ။ ညီမလေးရော ဘယ်မှာလဲ။ ကျွန်တော်ရွာရော ဘယ်မှာလဲ။ ကျွန်တော်သူငယ်ချင်းတွေရော ဘယ်မှာလဲ။ ကျွန်တော်ရေဆာလိုက်တာ။ ကျွန်တော် ချုံပုတ်ပေါ်ကဆင်းပြီး နွံတင်နေတဲ့မြေပေါ်မှာ လျှောက်သွားရင်း မေမေကိုရှာပါသည်။ ညီမလေးကိုရှာပါသည်။ သူငယ်ချင်းများနှင့် ရွာကလူတွေရှာပါသည်။ ရေဆာလွန်း၍ရေရှာပါသည်။

မေမေကိုမတွေ့ပါ။ ညီမလေးကို မတွေ့ပါ။ ကျွန်တော်ရှာနေသော အားလုံးကိုမတွေ့ပါ။ ရေကိုတော့ တွေ့ပါသည်။ ဒါပေမယ့် သောက်လို့မရအောင်ဖြစ်နေတာကို ကျွန်တော်နားမလည်ပါ။ မေမေရေ သားဒီမှာ သားဗိုက်ဆာလိုက်တာ။

**************************
“ဟယ် ဟိုမှာကလေး တယောက်ဟေ့။ ရပ်ရပ်။”

အသံကြားလို့ကြည့်လိုက်တော့ လှေတစင်းပေါ်မှ လူတချို့ ဆင်းလာပြီး ကျွန်တော်ကိုပွေ့ချီသွားပါသည်။ ကျွန်တော် ရေဆာတယ်လို့ပြောပြီး အိပ်ပျော်သွားသည်ဟုထင်ပါသည်။

**************************
ကျွန်တော်နှိးတဝက် မနှိးတဝက်ဖြစ်နေချိန်မှာ ဆူဆူညံညံတွေကြောင့် ကျွန်တော်ထထိုင်လိုက်မိပါသည်။ ကျွန်တော်ဘယ်ရောက်နေတာပါလိမ့်။ ကျွန်တော်အား မုန့်နှင့်ရေလာပေးသော ဦးလေးအား ကျွန်တော်မေမေနှင့် ညီမလေးရော ဟုမေးတဲ့အခါ ဒါအရင်စားလိုက်နော်သား။ သားမေမေနဲ့ ညီမလေးကို ဦးတို့ရှာပေးပါမယ် ဟုပြောသွားပါသည်။

ကျွန်တော် သူတို့ပြောစကားတွေကိုနားမလည်ပါ။ လူတွေအများကြီးသေတယ်တဲ့။ နာဂစ် ကြောင့်တဲ့။ အိမ်တွေ ရွာတွေမရှိတော့ဘူးတဲ့။ တော်တော်ဆိုးတဲ့ နာဂစ်။ ဒါဆို မေမေ၊ ညီမလေးနဲ့ ကျွန်တော့်ကို ခွဲတာလဲ ဒီနာဂစ်ပဲနေမှာ။ ကျွန်တော် နာဂစ်ဆိုသူကို အလွန်မုန်းပါသည်။

**************************
လှေတစင်းပေါ်မှ ဆင်းလာသောလူကြီးတဦးလက်ဆွဲလာသော မိန်းကလေးကိုမြင်တော့ ကျွန်တော် တဟုန်ုးထိုးပြေးသွားပြီး ဦးလေးဦးလေး ဒါသားညီမလေး၊ ဒါသားညီမလေး လို့တတွတ်တွတ်ပြောရင်း ညီမလေးလက်ကို မလွှတ်တမ်းဆွဲထားမိပါတယ်။

ညီမလေးက ကျွန်တော့်ကိုမမှတ်မိပါ။ ငူငူငိုင်ငိုင်နှင့် စကားလဲမပြောပါ။ လူကြီးတွေကျွေးသော မုန့်ကို ကျွန်တော်ညီမလေးအား အရင်ကျွေးပါသည်။ ဝပြီလား မေးလို့ခေါင်းငြိမ့်မှ ကျွန်တော်စားပါသည်။ ညီမလေးနှင့် အတူအိပ်ပါသည်။ နောက်တကြိမ် ညီမလေးနှင့် ခွဲရမှာ ကျွန်တော်ကြောက်ပါသည်။ ကိုကို့ကို ကိုကိုလို့ခေါ်ပါ ညီမလေးရယ်။ ကိုကိုအရင်လို ညီမလေးကိုအနှိင်မကျင့်တော့ပါဘူး။ ဦးဦးတို့ မေမေကိုရှာတွေ့ရင် ညီမလေးကို ကိုကိုအရမ်းချစ်တယ်လို့ပြောပြလိုက်မယ်နော်။ ဒါဆို မေမေအရမ်းဝမ်းသာမှာ။ မေမေကပြောတယ် ကိုကိုကအကြီး ညီမလေးကိုဂရုစိုက်ရမယ်တဲ့။
နောက် ၃-ရက်လောက်မှ ညီမလေးက ကိုကိုမေမေရောလို့ မေးပါသည်။ ကျွန်တော့်ရင်ထဲမှာ ဆို့တက်လာပြီး ညီမလေးကို ဖက်ထားပြီး ဦးဦးတို့ မေမေကိုရှာလာမှာပါ ညီမလေးရယ်။ မငိုနဲ့နော် ကိုကိုရှိတယ်။ တကယ်တော့ ကျွန်တော်ငိုနေတာလား ညီမလေးငိုနေတာလား ကျွန်တော်တကယ် မသိပါ။


**************************
“မလိုက်ဘူး။ သားမလိုက်ဘူး။ သားကို ညီမလေးနဲ့ မခွဲပါနဲ့။ သားညီမလေးနဲ့ အတူနေပါရစေ။”

မောင်အောင်အောင် ဒီဘုန်းဘုန်းနဲ့ ရန်ကုန်လိုက်သွားရမယ်။ လိုက်မယ်မဟုတ်လား ဟုမေးသော ဦးဦးတယောက်၏အမေးကို ကျွန်တော်ညီမလေးရောလား လို့မေးတော့ ဘုန်းကြီးကျောင်းမှာ ယောက်ကျားလေးပဲလက်ခံတာ။ သားညီမလေးကို ဦးတို့ အကောင်းဆုံး စီစဉ်ပေးမှာပါ။ လိုက်သွားလိုက်နော် သားတဲ့။ သားနဲ့ ညီမလေးကို မခွဲပါနဲ့ ဦးဦးနဲ့ ဘုန်းဘုန်းတို့ရယ်။ နာဂစ်က သားတို့မောင်နှမ နဲ့မေမေ ကိုခွဲသွားခဲ့ပြီ။ ဦးဦးတို့က သားနဲ့ညီမလေး ကိုထပ်မခွဲပါနဲ့နော်။

**************************

အခန်း ၃။

“ကျွန်တော်တို့ ကို ပညာသင်စရိတ်ထောက်ပံ့ပေးသော စကာင်္ပူရောက် မြန်မာမိသားစုအားလုံးကျန်းမာကြပါစေ။ ချမ်းးသာကြပါစေ။ ဦးဦး၊ ဒေါ်ဒေါ်တို့ကို သားတို့၊သမီးတို့မှ အထူးကျေးဇူးတင်ရှိပါကြောင်းပြောကြားလိုပါတယ်။ ဦးဦး၊ ဒေါ်ဒေါ်တို့ကျေးဇူးကိုဆပ်သည့်အနေနှင့် သားတို့၊သမီးတို့မှ စာကြိုးစားပါမည်ဟု ဂတိပေးပါသည်။”

မနေ့က ဆရာတော်မှ (အော်မေ့နေတာ အခုကျွန်တော်ကို ဆရာတော်က ကိုရင်ဝတ်ပေးထားတာပါ။) လှိုင်သာယာ၊ အောင်ဇေယျာမင်း ပရဟိတကျောင်းက ကိုရင်တို့ကို ပညာသင်ထောက်ပံ့ကြေးပေးနေတဲ့ စကာင်္ပူမှ အန်တီတယောက်လာမယ်လို့ ကြိုပြောထားပါသည်။ ကျေးဇူးတင်စကားပြောဖို့ ကိုရင်ကိုရွေးထားလို့ ကျေးဇူးတင်စကားကို လှိုက်လှုက်လှဲလှဲပြော ရ၍ အားလုံးကိုယ်စား အလွန်ဝမ်းသာပါသည်။

ထိုအန်တီမှ ပရဟိတကျောင်း မှ ကလေးအားလုံးကို တဦးချင်းဆီ ပျော်လား။ ကြီးလာရင်ဘာဖြစ်ချင်သလဲစ သဖြင့်မေးပါသည်။ ကိုရင်ကတော့ ကိုရင့်ဘေးမှာ ညီမလေးရှိသ၍ ပျော်ပါသည်။


ဝန်ခံချက် ။ ။ လှိုင်သာယာ၊ အောင်ဇေယျာမင်း ပရဟိတကျောင်းမှ ဖြစ်ရပ်မှန် မောင်နှမ အကြောင်းကို ခံစားရေးဖွဲ့ပါသည်။ ဒီဇတ်လမ်းလေးကို တဆင့်ပြောပြသော Kutho အဖွဲ့မှ ညီမငယ်တယောက်အားအထူးကျေးဇူး တင်ကြောင်းမှတ်တမ်းတင်ပါသည်။

Kမမ
(ကျနော် ဂျီတိုက် ဂျစ်ကန်လုပ်သမျှ သီးခံပြီး ဒီစာစုလေး ဖြစ်အောင် ရေးပေးခဲ့တဲ့ အမေတယောက်လို အမတယောက်လို ချစ်ခင်ရတဲ့ မမကြီးကို ကျေးဂျူးကမ္ဘာဆိုင်ပါ)

ဗိုလ်ချုပ်အောင်ဆန်း၏ မိန့်ခွန်းများ

အာဇာနည်နေ့ အထိမ်းအမှတ်

မျိုသိပ်မှုတို့ ဖွင့်အံရာ ဂျီတော့မက်ဆေ့ခ်ျကမ္ဘာ

မင်းနိုင်သူ

ကွန်ပျူတာရှေ့ ထိုင်လိုက်မိသည်နှင့် သူ စဖွင့်သည်က Gmail ။ ထို့နောက် Gtalk ။ သူ့အကောင့်အတွင်းရှိ မိတ်ဆွေအားလုံးကို မင်္ဂလာပါဟု လိုက်နှုတ်ဆက်ရင်း Gtalk message တွေ လိုက်ဖတ်သည်။

"နိုင်ငံပိုင်သတင်းစာမှာက နျူကလီးယား. တကမ္ဘာလုံးကမီဒီယာတွေမှာ ဒေါ်စု.. ရပ်ကွက်ထဲမှာတော့ ကမ္ဘာ့ဖလား.. ရခိုင်မှာတော့ ရေကူးနေကြဘီ"

"လာပါအချစ်ရယ်.. ဆိုက်ကားနင်းမယ်.. ကူလီထမ်းမယ်.. ဘိန်းမုန့်ရောင်းမယ် ကြည်နူးဖွယ်.. ပန်းတောင်းကိုရွက်ကာ ဘုရားပေါ်တက်.. ကန်ဘောင်မှာ အတူတူထိုင်မယ်လာ ဆိုက်ကားပေါ်တက်...”

"အိပ်မက်တပွဲ ပေးပါ။ မျှော်လင့်ချက် များများထည့် အတိတ်ဆိုးတွေ မပါစေနဲ့ ခံစားချက်ကို ပါးပါးလေး ဖြူး သံယောဇဉ် လည်း ပါပါစေ"

သူ့မိတ်ဆွေများ တင်ထားသော Gtalk message အကြောင်းအရာတွေက စုံလှသည်။ ဟာသတွေပါသလို နယ်မြေဒေသအခြေအနေ တင်ပြတာတွေပါသည်။ နှလုံးသားရေးရာ တင်သူ ရှိသလို နိုင်ငံရေးအစာမကြေမှုကို အံထုတ်ထားသူတွေလည်း ရှိသည်။

"ရန်ကုန်မြို.ကြီးကို မီးပိုပေးနိုင်ပြီလို့အော်နေကြတယ် ဒို့ပဲခူးမှာတော့ မီးလာချိန်တွေပိုနဲသွားတယ် တော်လိုက်ကြတာ။ " ဆိုသည့် ဂျီတော့လ်မက်ဆေ့ခ်ျတခုက ရန်ကုန်မီးလာချိန်ပိုလာမည်ဆိုသော သတင်းကိုသာ အာရုံစိုက်နေကြသူများအတွက် အခြားတဘက်ကို လှစ်ဟပြလိုက်သည့် ကန့်လန့်ကာ အဖွင့်တခု။

သာသနာရေးဝန်ကြီးဌာနမှ ၀န်ထမ်းတဦးကတော့ သူ့မက်ဆေ့ခ်ျတွင် "အို..နေပြည်တော်မှ အဘအပေါင်းတို့...ကျွန်ုပ်ယနေ့စားသုံးလိုက်သော အစာအဟာရများသည် မနက်ဖြန်ခါအတွက် သီးခံဖို့ဖြစ်ပါ၏။" ဟု တင်ထားသည်။

သုံးလေးရက်ခန့်အကြာတွင် ပုဂံတွင် တည်ဆောက်လျက်ရှိသည့် သာသနာရေးဆိုင်ရာ အဆောက်အဦတခုအတွက် အလုပ်ကြမ်းဝင်လုပ်ပေးနေကြရသော သာသနာရေးဝန်ထမ်းများ၏ အဖြစ်အပျက်သတင်းက ခေတ်ပြိုင်အင်တာနက် စာမျက်နှာတွင် ပေါ်ထွက်လာသည်။

အန်အယ်လ်ဒီလူငယ်တဦးကတော့ မြန်မာ့နိုင်ငံရေးအကွဲအပြဲများကို စိတ်ကုန်လာဟန်ရှိ၏။

“"ထိတိုင်း ကွဲတဲ့ ဒို့လူတွေ” ဖ.ဆ.ပ.လအကွဲ....တိုင်းပြည် လဲ။ ပြည်ပအကွဲ......ယုံကြည်မှု နည်း။ အန်အယ်လ်ဒီ အကွဲ....ပြည်သူ ဆဲ။ အတိုက်ခံ အားလုံးကွဲ......စစ်ကျွန်ပဲ။ " ဟု သူ့ မက်ဆေ့ခ်ျပေါ် ပစ်တင်ထားသည်။

NDFပါတီ၏ အမှတ်တံဆိပ်များကို ကန့်ကွက်နိုင်ကြောင်း သတင်းစာတွင်ပါလာသည့် နေ့တွင်"ကို ဆွေ ငြိမ်း တို့ကလည်း ခမောက်လေးကို စွဲလမ်းနေတုန်းပါလားလို့... ရှာထိုးဦးထုပ်လေးဘာလေးလုပ်လည်း ရပါတယ်ကွဲ့.. ငုနဲ့ပိတောက်... စုနဲ့ခမောက်... ဆွေငြိမ်းနဲ့ ဦးထုပ်ပေါ့လို့" ဟူ၍လည်း ပြည်တွင်းအယ်ဒီတာတဦးက သူ့မက်ဆေ့ခ်ျကနေ ခနဲ့၏။

ဖဆပလခေတ်က ဦးဗဆွေနှင့် ဦးကျော်ငြိမ်းအတွဲကို ဆွေငြိမ်းအုပ်စုဟု ခေါ်ဝေါ်ခဲ့ကြသည့်အတိုင်း NLDမှ ခွဲထွက်ကာNDF ပါတီကို ထူထောင်ကြသည့် ဦးခင်မောင်ဆွေနှင့် ဒေါက်တာသန်းငြိမ်းတို့သည်လည်း ဤမက်ဆေ့ခ်ျအရ ခေတ်သစ် ဆွေငြိမ်းဖြစ်သွားသည်။

ဘာပဲဖြစ်ဖြစ် ဒီ Gtalk message များသည် မြန်မာပြည်မှ အခြေအနေများကို ရိုးတိုးရိပ်တိတ် မြင်တွေ့ခွင့်ရစေသော ပြတင်းပေါက်များ။

“မြန်မာပြည်အတွင်း ရေတွင်းရေကန်ခမ်းခြောက်မှုတွေ ဖြစ်နေပြီဆိုတာကို သတင်းဌာနတွေမှာ မတက်ခင်ကတည်းက ပြည်တွင်း ဂျီတော့လ်မက်ဆေ့ခ်ျတွေမှာ ကျနော်တွေ့မိနေတယ်။ အဲဒါကြောင့်လည်း အကူအညီပေးရေးအတွက် ကြိုပြင်ထားနိုင်ခဲ့တယ်"ဟု မြန်မာပြည်အတွင်း ရေလှူဒါန်းမှုများ ပြုလုပ်ပေးခဲ့သော စင်ကာပူနိုင်ငံအခြေစိုက် Lotus ဖောင်ဒေးရှင်းမှ တာဝန်ရှိသူတဦးက ပြောသည်။

ဂျီတော့လ်မက်ဆေ့ခ်ျကို လွတ်လပ်စွာ မရေးရဲသူများလည်း ရှိသေးသည်။ ဒါကတော့ အဆန်းတကျယ်မဟုတ်။ စစ်အစိုးရ၏ ဖိနှိပ်မှုအောက်တွင် ရှည်ကြာစွာ နေခဲ့ကြရသည်ကိုး။

“ဟင့်အင်း...မရေးရဲဘူး။ သမီးအကောင့်ထဲမှာ ဘယ်သူတွေက ဘာတွေမှန်း မသိဘူးလေ။ သမီးမမြင် မသိဘူးတဲ့သူတွေလည်း ရှိတယ်။ သမီး နိုင်ငံရေးနဲ့ ပတ်သက်တာတွေ ရေးထားတာကို သူတို့ မြင်သွားရင် ဘယ်လိုလုပ်မလဲ"ဟု အသက် (၂၀) အရွယ် ရန်ကုန်သူ တဦးက မက်ဆေ့ခ်ျလွတ်လပ်စွာ မရေးရဲသည့် အကြောင်းကို ပြောသည်။

ထိုမိန်းကလေးက သူမ၏ အမည်ရင်းနောက်တွင် ဌာနအမည်ပါ ဂျီးမေးလ်အကောင့်ကို သုံးနေရသူဖြစ်၏။

ထိုသို့သော စိုးရွံ့မှုများအပေါ် “မြန်မာနိုင်ငံထဲမှာ လွတ်လွတ်လပ်လပ် သုံးစွဲနိုင်ဖို့ဆိုရင် ကိုယ့်အမည်ရင်း ၊ အလုပ်ဌာနတွေနဲ့ မသက်ဆိုင်တဲ့ အကောင့်တခု သီးသန့်ကို ဖွင့်ထားသင့်တယ်။ ကိုယ့်မိသားစု ၊ အလုပ်အသိုင်းအ၀ိုင်းနဲ့ ပြောမယ့်အကောင့် ၊ တခြားလွတ်လွတ်လပ်လပ် ပြောချင်ရာ ပြောလို့ရမယ့်အကောင့် ။ ခွဲခြားပြီး သုံးရင် စိုးရိမ်စရာမရှိပါဘူး"ဟု အင်တာနက်လုံခြုံရေး ကျွမ်းကျင်သူ ကိုထက်ခိုင်က ရှင်းလင်း ပြောဆိုသည်။

အကယ်စင်စစ်တွင် Gmail သည် Facebook အကောင့်ထက်ပင် ပြည်တွင်း အင်တာနက်သုံးစွဲသူများအတွက် လုံခြုံမှုပေးနိုင်သေးသည်ဟုလည်း ကိုထက်ခိုင်က ထောက်ပြသည်။

“facebook မှာ public ဖွင့်ပေးလို့ရတယ်။ ဘယ်သူမဆို တက်ကြည့်လို့ရနေတယ်။ ဒါမှ မဟုတ်ရင် မိတ်ဆွေသီးသန့် (friend only) ပေးလို့ရတယ်။ မိတ်ဆွေရဲ့ မိတ်ဆွေ (friend of friend ) ဖွင့်ပေးလို့ရတယ်။ google buzz ကတော့ မိတ်ဆွေသီးသန့် တမျိုးပဲရှိတယ်။ မိတ်ဆွေရဲ့ မိတ်ဆွေ ဆိုတာ မရှိဘူး။ အများသူငါ (public) ကြည့်လို့မရဘူး။ ဒါ့ကြောင့် ကိုယ်ရေးထားတဲ့ဟာတွေက မိတ်ဆွေသီးသန့် အတွက်ပဲဖြစ်တဲ့အတွက် လုံခြုံမှု အဆင့်အတန်း ပို ရှိတယ်"ဟု ၄င်းက ဆိုသည်။

Google Buzz ဆိုသည်မှာ Facebook ကဲ့သို့ အများအသုံးပြုနိုင်သည့် လူမှုရေးကွန်ရက် အင်တာနက် စာမျက်နှာဖြစ်ပြီး Google ကုမ္ပဏီက ယခုနှစ် ဖေဖ၀ါရီလ (၉) ရက်နေ့တွင် လူထုသို့ စတင် မိတ်ဆက်ခဲ့သည်။

Google Buzzကို ဂျီမေးလ်မှ တဆင့် အလွယ်တကူ အသုံးပြုနိုင်ရန် စီစဉ်ထားကာ မကြာခဏ ပြောဆို ဆက်သွယ်လေ့ရှိသော လိပ်စာများကို Buzzက အလိုအလျောက် အပြန်အလှန် ချိတ်ဆက် ပေးမည် ဖြစ်သည်။

Google Buzz ပေါ်ထွက်လာပြီး သိပ်မကြာ Buzz အသုံးပြုသူနှင့် ဆက်သွယ်ထားသူများကို အခြားသူများက မြင်နေရသည့်အတွက် Google ကုမ္ပဏီတောင်းပန်ရသည်။

သို့ရာတွင် Buzz ၏ လုံခြုံရေး အားပျော့မှုသည် မြန်မာပြည်တွင်း Gmail သုံးစွဲသူများစွာကို ထိခိုက်စေမည်မဟုတ်ဟု ပဲခူးမြို့ရှိ အင်တာနက်ဆိုင်ပိုင်ရှင်တဦးက ယူဆသည်။

အဆိုပါ အင်တာနက် ဆိုင်ရှင်က " ကျနော်တို့ဆီက အင်တာနက်သုံးသူတွေအားလုံး Gmail အကောင့်တခုတော့ ပိုင်ကြတာချည်းပဲ။ Buzz ထပ်ထွက်လာချိန်မှာ သုံးတတ်သူတောင် မရှိသလောက်ပါဘဲ။အများစုက ကိုယ်ရေးချင်တာရေးပို့ဖို့ ၊ သူများပို့လာတဲ့စာကို ဖတ်ဖို့ ၊ ဒါလောက်ပဲ သုံးကြတာပါ။ အသစ်ပေါ်တာတွေကို စမ်းသုံးနိုင်ဖို့ အင်တာနက်ဆိုင်မှာအချိန်ကုန် ငွေကုန်ခံနိုင်သူတွေလည်း မရှိသလောက်ပါ။"ဟု ဆိုသည်။

Google Buzz တွင် မိမိ၏ messageကို သူတပါးက ထင်မြင်ချက်ပေးနိုင်သလို ၊ ကိုယ်ကလည်း သူတပါး messageကို ထင်မြင်ချက်ပေးနိုင်သည်။ သို့ရာတွင် Google Buzz ကို အသုံးပြုသူ မြန်မာပြည်တွင်း၌ လူနည်းစုသာ ရှိနေသေးသည်။

ဘာပဲဖြစ်ဖြစ် မြန်မာပြည်တွင်းမှ အင်တာနက်အသုံးပြုသူ အများစုသည် ကိုယ့် message အား သူတပါး ထင်မြင်ချက်ပေးမှုကို ခံယူရရေး မရရေးထက် ၊ ကိုယ်ပြောလိုရာ ပြောရေးကိုသာ အဓိကထားကြသည်။

ကမ္ဘာပေါ်တွင် ဂျီမေးလ် အသုံးပြုသူပေါင်း ၁၇၆ သန်းခန့် ရှိနေရာ အင်တာနက် မြန်နှုန်းနိမ့်သော ၊ အင်တာနက် နည်းပညာ ပျံ့နှံ့မှု လျော့ပါးသော မြန်မာနိုင်ငံအတွင်းမှ အင်တာနက်သုံးစွဲသူများလည်း ထိုအထဲတွင်ပါဝင်သည်။

Gmailတခုကိုသာ အားပြုသုံးစွဲနေရသော ပြည်တွင်းအင်တာနက် သုံးသူများအဖို့ gmail password အခိုးခံရမည်လား ဆိုသည်ကလည်း စိုးရိမ်ချက်တခု။

“လူတွေက ထင်တာက အင်တာနက်လုံခြုံရေးအကြောင်း ပြောလို့ရှိရင် ၊ ဂျိမ်းစ်ဘွန်းဇာတ်ကားတွေထဲကလို Hacking တွေ ၊ ကုဒ်တွေနဲ့ အတိုက်အခိုက်ခံရမယ်လို့ ထင်နေကြတယ်။ ဒါတွေလည်း မရှိဘူးမဟုတ်ဘူး ၊ ရှိပါတယ်။ ဒါပေမဲ့ အဲဒီနည်းပညာနဲ့ အောင်မြင်သွားတယ်ဆိုတာ ရှားပါတယ်။ Gmail passoword ကို သတ်သတ် ခိုးတဲ့ ပရိုဂရမ်တွေ ရှိတယ်။ Gmail passoword ခိုးတဲ့ ပရိုဂရမ်တွေကို ရေးပြီး ဗိုင်းရပ်စ်အနေနဲ့ လွှတ်လို့ ကွန်ပျူတာတွေထဲမှာ ရောက်ခဲ့ဖူးတာတွေရှိတယ်"ဟု အင်တာနက်လုံခြုံရေး ကျွမ်းကျင်သူ ကိုထက်ခိုင်က ပြောသည်။

ထိုဖြစ်စဉ်ကို ရှောင်လွဲနိုင်ရန် မိမိ နားမလည်သော Links များကို မနှိပ်မိရန်သည် အဓိက လိုအပ်ချက်တခုဖြစ်၏။

“အဲဒီ ဗိုင်းရပ်စ်မျိုးက ကိုယ့်မေးလ်ထဲက သူငယ်ချင်းဆီကပဲလာတယ်။ ဒါပေမဲ့ တကယ်တမ်းက ကိုယ့်သူငယ်ချင်းက ပို့နေတာမဟုတ်ဘူး။ သူ့ကွန်ပျူတာမှာ အဲဒီဗိုင်းရပ်စ်ကြောင့် လုံခြုံရေးပေါက်သွားပြီး သူ့အလိုအလျှောက် ကိုယ့်မေးလ်ဆီ ၀င်လာတာ။ ဒါ့ကြောင့် ကိုယ်မသိတဲ့ Link တွေ ၀င်လာရင် ချက်ချင်းနှိပ်လိုက်တာမျိုးမလုပ်ဘဲ။ သူပို့ထားတာဟုတ်မဟုတ် ၊ ဘယ်လို Linkမျိုးလဲဆိုတာကို သူငယ်ချင်းကို ပြန်မေးပါ။အဲဒါဆိုရင် ဒီဗိုင်းရပ်စ်မျိုးကို ရှောင်လွဲနိုင်ပါလိမ့်မယ်"ဟု ကိုထက်ခိုင်က ရှင်းပြသည်။

ပြည်တွင်း အင်တာနက်သုံးစွဲသူများအတွင်း ဂျီမေးလ်လုံခြုံရေး နားလည်သူများ ရှိသလို ၊ နားမလည်ဘဲ သုံးစွဲနေရသူများလည်း ရှိနေဆဲ။

“ဂျီမေးလ်လုံခြုံမှုအကြောင်းကိုတော့ သိပ်မသိဘူး။ ဂျီတော့လ်မက်ဆေ့ခ်ျတွေတော့တင်ဖြစ်တယ်။ ကျနော်တင်တာတွေ အများစုကတော့ ကျနော်တို့ မန်းလေးတ၀ှိုက်က အခြေအနေတွေအကြောင်းပါပဲ။ ကျနော်တို့ ပြည်တွင်းမှာ ရေးလို့မရတာတွေ တင်ပစ်လိုက်တယ်ဗျာ။ အဲလိုမှ မတင်ရရင် ရင်မချောင်ဘူး" ဟု မန္တလေးမြို့မှ စာနယ်ဇင်းသမားတဦးက ဆိုသည်။

အမှန်တကယ်လည်း သူပြောသကဲ့သို့ပင် ဂျီတော့လ်မက်ဆေ့ခ်ျများသည် လွတ်လပ်စွာပြောရေးဆိုခွင့်မရသော ရပ်ဝန်းများတွင် ရင်ချောင်ဆေးတခု ဖြစ်နေဟန်ရှိသည်။

ပြည်တွင်းနေ ပြည်သူလူထု၏ လွတ်လပ်စွာပြောရေးဆိုခွင့်အကြောင်းကို သူ စဉ်းစားကြည့်နေမိစဉ်မှာပင် ပြည်တွင်း မိတ်ဆွေတဦးက ဂျီတော့လ်မှတဆင့် လှမ်းနှုတ်ဆက်လာသည်။ ထိုအခိုက် ဖျတ်ခနဲ တွေ့လိုက်ရသည့် သူ့ဂျီတော့မက်ဆေ့ခ်ျကား

"ပျော်ပျော်နေသေခဲ..မော်တော်နေရေထဲ..အိမ်မှာနေအမေဆဲ..ရန်ကုန်မှာနေဗုန်းကွဲ.. နေပြည်တော်မှာနေအသားမည်း..အမြင့်ဆုံးကိုတက် အချစ်ဆုံးကိုဖက်ပြီးအော်လိုက်မယ်......... မီးလာပြီ....မီးလာပြီဟေးးးးးးးးးး"