ရန်ကုန် သင်္ဃန်းကျွန်းမြို့နယ် သုဒဿန (၄)လမ်းရှိ ဦးဇော်ဝင်းနေအိမ်၌ ယမန်နေ့က သက်ကြီးစာပေပညာရှင်များအား ပူဇော်ကန်တော့ပွဲ ကျင်းပခဲ့ကြောင်း သတင်းရရှိသည်။
အဆိုပါအခမ်းအနားသို့ စာရေးဆရာကြီး နန်းညွှန့်ဆွေ (ကိုဇာဂနာ့အဖေ) ၊ ဦးအုန်းမောင် ၊ ဦးဝင်းတင် ၊ ဦးအုံးကြိုင်နှင့် ဦးလေးမြင့်တို့ တက်ရောက် ကန်တော့ခံခဲ့ကြပြီး သြ၀ါဒစကားများ ပြောကြားခဲ့ကြသည်။
ဒဂုန်တာရာ ၊ ဦးတင်ဦး နှင့် လူထုစိန်ဝင်းတို့သည် ကျန်းမာရေးအခြေအနေများကြောင့် မလာရောက်နိုင်ခဲ့သော်လည်း ကန်တော့ပစ္စည်းများ ပေးပို့ ကန်တော့သွားမည်ဖြစ်ကြောင်း အခမ်းအနားတက်ရောက်ခဲ့သူတဦးက ပြောသည်။
အဆိုပါအခမ်းအနားကျင်းပမည်ဖြစ်ကြောင်း နအဖစစ်အစိုးရက သတင်းရရှိသွားခြင်းကြောင့် အိမ်ရှင်ဦးဇော်ဝင်းအား ၂၇ ရက်နေ့က သတင်းတပ်ဖွဲ့မှ ခေါ်ယူမေးမြန်းခဲ့သော်လည်း နိုင်ငံရေးနှင့်မပတ်သက်ကြောင်း စာပေပညာရှင်များကို ပူဇော်ကန်တော့ခြင်းဖြစ်ကြောင်း ဖြေကြားခဲ့သည့်အတွက် ညနေပိုင်းတွင် ပြန်လည်လွတ်မြောက်ခဲ့ကြောင်းသိရသည်။
အခမ်းအနားကျင်းပသည့်နေ့တွင်လည်း သတင်းတပ်ဖွဲ့နှင့်ကြံ့ဖွံ့အသင်းဝင်များသည် အခမ်းအနားတက်ရောက်လာသူများအား ဆိုင်ကယ်ဖြင့် လိုက်လံကြည့်ရှုခြင်း ၊ ဓါတ်ပုံခိုးရိုက်ခြင်းစသည့် စိတ်ပိုင်းဆိုင်ရာနှောင့်ယှက်မှုများ ပြုလုပ်ခဲ့ကြောင်း သိရသည်။
(အဆိုပါသတင်းအား ယမန်နေ့မွန်းလွဲပိုင်းကပင် ရရှိခဲ့သော်လည်း blog settings တွင် အမှားအယွင်းဖြစ်ပေါ်ခဲ့သဖြင့် ယခုမှ တင်ပေးနိုင်သည်ကို အခက်အခဲများကြားမှ ပေးပို့ခဲ့ကြသည့် ပြည်တွင်းမှ ဆရာသမားများ ၊ စာဖတ်သူများကို အနှူးအညွှတ် တောင်းပန်အပ်ပါသည်။)
No comments:
Post a Comment